काठमाडौँ । जारी आइसीसी क्रिकेट विश्वकपमा अन्तिम चरणका खेलहरु शुरु हुनुअघि सेमिफाइनलको तस्बीर स्पष्ट हुन थालेको छ । अहिलेसम्म सेमिफाइनलमा पुग्ने तीन देशको टुंगो लागेको छ भने एक स्थानका लागि तीन देशको प्रतिष्पर्धा हुने देखिएको छ ।
अहिलेसम्म भारत अपराजित रहदै अंक तालिकामा शिर्ष स्थानमा रहेको छ भने दक्षिण अफ्रिका ८ खेलमा १२ अंकसहित दोस्रो स्थानमा रहेर सेमिफाइनलमा आफ्नो स्थान सुरक्षित गरेको छ । त्यस्तै अस्ट्रेलियाले पनि ८ खेलमा १२ अंकसहित तेस्रो स्थानमा रहेर सेमिफाइनलमा पुगिसकेको छ ।
यस विश्वकपमा डिफेन्डिङ च्याम्पियन इङल्याण्ड, नेदरल्याण्डस, श्रीलंका र बंगलादेश सेमिफाइनलको दौडबाट बाहिरीइसकेका छन् ।
अब सेमिफाइनलमा पुग्ने चौथो स्थानका लागि न्यूजील्याण्ड, पाकिस्तान र अफगानिस्तान प्रतिष्पर्धामा रहेका छन् । तीनै देशको ८-८ अंक रहेको छ र अंक तालिकामा चौथो, पाँचौं र छैटौं स्थानमा रहेका छन् । रनरेटको आधारमा न्यूजील्याण्ड पाकिस्तान र अफगानिस्तानभन्दा अगाडी रहेको छ । न्यूजील्याण्डको ०.३९८ रनरेट रहेको छ भने पाकिस्तानको ०.०३६ रहेको छ । त्यस्तै अफगानिस्तानको-०.३३८ रहेको छ ।
अब न्यूजील्याण्डले आफ्नो अन्तिम खेल विहिबार श्रीलंकाविरुद्ध खेल्ने छ । न्यूजील्याण्डले श्रीलंकालाई पराजित गरेमा सम्भवत पाकिस्तान र अफगानिस्तानको सेमिफाइनलको यात्रा समाप्त हुने छ । त्यस्तै पाकिस्तानको अन्तिम खेल शनिबार डिफेन्डिङ च्याम्पियन इङल्याण्डसँग हुने छ । पाकिस्तानको सेमिफाइनल यात्राको तय यो खेल जितेर मात्र हुने छैन । पाकिस्तानका लागि पहिलो इङल्याण्डलाई फराकिलो अन्तरले पराजित गरेर नेट रनरेटमा न्यूजील्याण्डलाई पछि पार्नुपर्ने हुन्छ भने दोस्रो पाकिस्तानले इङल्याण्डलाई पराजित गर्ने र न्यूजील्याण्ड श्रीलंकासँग पराजित भएको अवस्थामा सेमिफाइनलको यात्रा सुनिश्चित हुन सक्छ ।
त्यस्तै अफगानिस्तानले आफ्नो अन्तिम खेल शुक्रबार दक्षिण अफ्रिकासँग हुने छ । दक्षिण अफ्रिका सेमिफाइनलमा पुगिसकेको छ भने अफगानिस्तानका लागि सेमिफाइनलको सम्भावना बनाउन फराकिलो अन्तरको जित आवश्यक छ ।
न्यूजील्याण्ड र पाकिस्तान आफ्नो अन्तिम खेलमा पराजित भएमा र अफगानिस्तानले दक्षिण अफ्रिकालाई पराजित गरेमा सेमिफाइनल यात्रा तय हुनसक्छ । त्यस्तै दक्षिण अफ्रिकालाई फराकिलो अन्तरले पराजित गर्न सकेमा पनि अफगानिस्तानको सम्भावना देखिन्छ । अस्ट्रेलियासँगको पछिल्लो खेलमा जित नजिक पुगेर पनि हार बेहोरेको अफगानिस्तानका लागि दुवै अवस्थामा सेमिफाइनलमा पुग्न असम्भव नभए पनि मुश्किल देखिन्छ ।
अब सेमिफाइनलको समीकरण हेर्दा भारत अंक तालिकामा शिर्ष स्थानमा रहने पक्का देखिएको छ । त्यस्तै दोस्रो र तेस्रो स्थानमा दक्षिण अफ्रिका र अस्ट्रेलिया हुने पनि पक्का छ तर कुन देश दोस्रो र तेस्रो हुन्छन् भन्ने अन्तिम खेलपछि टुंगो लाग्ने छ । यद्यपी यसले सेमिफाइनलको समीकरणमा प्रभाव पार्ने छैन । किनकी दोस्रो र तेस्रो हुने देशनै सेमिफाइनलमा खेल्ने हुनाले दक्षिण अफ्रिका र अस्ट्रेलियाबीच यस विश्वकपको सेमिफाइनल हुने निश्चित भएको छ । यो खेल नोभेम्बर १६ मा कोलकोतास्थित इडेन गार्डेन स्टेडियममा हुने छ ।
त्यस्तै अर्को सेमिफाइनलमा भारतसँग न्यूजील्याण्डरपाकिस्तानरअफगानिस्तान मध्ये एक देश खेल्ने छन् । विश्वकपको पहिलो सेमिफाइनल खेल नोभेम्बर १५ मा मुम्बईस्थित वान्खडे स्टेडियममा भारत तथा न्यूजील्याण्डरपाकिस्तानरअफगानिस्तान मध्ये एक देशबीच हुने छ ।
विश्वकपको फाइनल खेल १९ नोभेम्बर आइतबार अहमदावादस्थित नरेन्द्र मोदी स्टेडियममा हुने छ ।
