स्वस्थ जीवनका लागि दाँत पनि स्वस्थ हुन जरुरी छ । स्वस्थ दाँत बनाउनका लागि सबैभन्दा महत्वपूर्ण भूमिका खेल्छ टूथब्रसले । टुथब्रसको सहायताले दाँतमा जमेर रहेका खानाका टुक्रा तथा अन्य फोहर पदार्थ हटाउन सकिन्छ । त्यसैले सही र सफा टुथब्रसको प्रयोग गर्नु जरुरी हुन्छ । यदि ब्रसको सफाईमा ध्यान दिइएन भने उल्टै ब्रसमै भएका व्याक्टेरियाहरु मुखमा प्रवेश गर्दछन् । त्यसैले ब्रसको सफाईमा कसरी गर्ने भन्ने बारेमा यहाँ चर्चा गरिएको छ—
१. टूथब्रसलाई सधैँ हावा प्रवेश गर्ने खुल्ला भाँडोमा राख्ने गर्नुपर्छ ।
२. ब्रस गरिसकेपछि टूथब्रसलाई राम्रोसँग सफा गरी हल्लाएर वा झड्कारेर सुख्खा बनाई सधैँ ठाडो गरि राख्नुपर्छ ।
३. टूथब्रसलाई शौचालयभन्दा टाढै राख्नुपर्छ ।
४. टूथब्रस राख्ने भाँडो पनि हप्तैपिच्छे सफा गर्ने गर्नुपर्छ ।
५. घरका सदस्यहरुको ब्रस एकआपसमा छोइन नदिनुस् जसले गर्दा एक ब्रसमा भएको ब्याक्टेरिया अर्को ब्रसमा लाग्न पाउदैन ।
६. टूथब्रस हरेक ३–४ महिनामा परिवर्तन गर्नुपर्छ । लामो समय राख्दा ब्रस आफै संक्रमणमा पर्छ र दाँतको राम्ररी सफा समेत गर्दैन ।
