हामीले खाएका कतिपय अस्वस्थकर खानाहरुका कारण हामी बिरामी परिरहेका हुन्छौँ जुन हामीलाई थाहा हुँदैन । त्यस्ता अस्वस्थकर खानाले मुख्यतः शुरुमा पेटमा असर गर्छ । सबै प्रकारका रोगको सुरुवात पनि पेटबाटै हुने गर्छ । यी सबैबाट बच्न पेटको सफाइमा ध्यान दिनुपर्छ ।
– खानापछि २५ ग्राम मेथी, दुई ग्राम ज्वानो र आधा ग्राम बिरेनुन मिलाएर खाँदा पेटमा ग्यास बन्न रोकिन्छ र खाना पचाउन पनि सजिलो हुन्छ ।
– एक पोटी लसुन र किसमिस नियमित चपाउँदा पेटमा रहेका विकार हावालाई बाहिर निकाल्ने काम गर्छ ।
– दिनमा दुई वा तीनपटक अदुवाको सानो टुक्रामा नुन छर्किएर खाँदा ग्यास्ट्रिकको समस्याबाट छुटकारा मिल्नुका साथै समयमा भोक लाग्ने पनि हुन्छ ।
– दैनिक दुई ग्राम ज्वानो र आधा ग्राम नुन चपाएर खाने गर्दा यसले पेटको दुखाइबाट बचाउनुका साथै ग्यासको समस्यालाई समाधान गरी पेटलाई स्वस्थ राख्छ ।
