काठमाडौँ । जारी आइसीसी क्रिकेट विश्वकप अन्तर्गत आज न्यूजील्याण्ड र बंगलादेशबीच खेल हुदै छ । चेन्नईस्थित एमए चिदम्बरम स्टेडियममा हुने यो खेल नेपाली समय अनुसार अपराहन्न २ः१५ बजेदेखि शुरु हुने छ ।
जारी विश्वकपमा न्यूजील्याण्डले लगातार जित हासिल गर्दै शानदार शुरुवात गरेको छ । न्यूजील्याण्डले पहिलो खेलमा इङल्याण्डलाई ९ विकेटले पराजित गरेको थियो भने दोस्रो खेलमा नेदरल्याण्डसलाई ९९ रनले पराजित गरेको थियो ।
त्यसैगरी बंगलादेशले भने पहिलो खेलमा अफगानिस्तानलाई ६ विकेटले पराजित गरेको थियो भने दोस्रो खेलमा इङल्याण्डसँग १३७ रनले पराजित भएको थियो ।
न्यूजील्याण्ड र बंगालदेश अहिलेसम्म एकदिवसीय अन्तराष्ट्रिय खेलमा ४१ पटक आमने सामने भएका छन् । जसमा न्यूजील्याण्डले ३० पटक जितेको छ भने बंगलादेशले १० खेल जितेको छ । त्यसैगरी खेलको नतिजा आएको थिएन ।
यस खेलमा न्यूजील्याण्डका नियमित कप्तान केन विलियम्सन र टिम साउथीले कमब्याक गर्न सक्ने बताइएको छ । केनको ठाउमा तेस्रो स्थानमा खेलिरहेका रचिन रविन्द्रले एक शतक र एक अर्धशतक बनाएकाले उनको पुनरागमन पछि को बाहिरिन्छ स्पष्ट भएको छैन ।
बंगलादेशको सम्भावित प्लेईङ ११- शकिब अल हसन (कप्तान), नजमुल हुसेन शान्तो (उपकप्तान), लिट्टन दास, तान्जिद हसन तमिम, तौहिद ह्रिदोय, मुशफिकुर रहिम, महेदी हसन, मेहदी हसन मिराज, तस्किन अहमद, मुस्ताफिजुर रहमान र शोरिफुल इस्लाम ।
नेदरल्याण्डसको सम्भावित प्लेइङ ११: स्कट एडवर्ड्स (कप्तान), विकेटकीपर, कोलिन एकेर्मन, बास डे लीडे, आर्यन दत्त, तेजा निदामानुरु, म्याक्स ओडाउड, विक्रमजीत सिंह, रोलोफ भ्यान डर मर्वे, पाउल भ्यान मिकरेन, सिब्राण्ड इङगेलब्रेच र रियान क्लेइन ।
