काठमाडौँ । जारी क्रिकेट विश्वकपमा पाकिस्तानले विजयी शुरुवात गरेको छ । भारतमा जारी विश्वकपमा पाकिस्तानले नेदरल्याण्डसलाई ८१ रनले पराजित गर्दै विश्वकपमा विजयी शुरुवात गरेको हो ।
पाकिस्तानले दिएको २८७ रनको लक्ष्य पछाएको नेदरल्याण्डस ४१ ओभरमा अल आउट हुदै २०५ रन मात्र बनाएपछि खेल ८१ रनले हारेको हो । यसअघि टस हारेर पहिला ब्याटिंग गर्दै पाकिस्तानले ४९ ओभरमा अलआउट हुदै २८६ रन बनाएको थियो ।
यो जितपछि पाकिस्तानले महत्वपूर्ण २ अंक जोडेको छ ।
अब पाकिस्तानले विश्वकपमा आफ्नो दोस्रो खेल अक्टोबर १० मा श्रीलंकासँग खेल्ने तालिका छ । त्यस्तै नेदरल्याण्डसले भने अर्को खेल अक्टोबर ९ मा न्यूजील्याण्डविरुद्ध खेल्ने तालिका रहेको छ ।
