डीभी चिठ्ठा परेर पनि ५ सय ४३ जना नेपालीले अमेरिकाको भिसा नपाएको तथ्य सार्वजनिक भएको छ । अमेरिकी विदेश मन्त्रालय ब्यूरो अफ कन्सुलर अफेयर्सका अनुसार सन् २०२३ का लागि तीन हजार आठसय आठ नेपालीलाई डीभी परेपनि तीन हजार दुईसय ६५ ले मात्र अमेरिकाको भिसा पाएका हुन् । बा“की ५ सय ४३ जनाले भिसा पाएनन् ।
सन् २०२३ को डीभी लट्री पर्नेको भिसा २०२३ को सेप्टेम्बर ३० सम्म जारी हुन्छ । तर, यो वर्ष भने सेप्टेम्बर ७ देखि नै भिसा जारी गर्न बन्द गरिएको थियो । सामान्यतः अक्टोबरदेखि नै भिसा दिने सुरू गर्नुपर्नेमा २०२३ को अक्टोबर र नोभेम्बरमा कसैलाई पनि भिसा जारी गरिएको थिएन । डिसेम्बरदेखि भिसा जारी गर्न सुरू गरिएकोमा अगस्टसम्म मात्र भिसा दिइएको थियो ।
सन् २०२४ का लागि तीन हजार आठसय ६३ नेपालीले डीभी लट्री जितेका छन् उनीहरूलाई अक्टोबरदेखि अमेरिकाले भिसा दिन थाल्छ । यीमध्ये कतिले भिसा पाउने हुन् भनने अहिले थाहा हु“दैन । अमेरिकाले हरेक वर्ष अक्टोबरको पहिलो सातादेखि एक महिनाको अवधि दिएर निश्चित देशका लागि डिभी लट्री खोल्दै आएको छ । नेपाल पनि डीभी लट्री भर्न पाउ“ने देशको सूचीमा छ । यो लक्की ड्रमा सहभागी भएर हरेक वर्ष हजारौंको संख्यामा भाग्यमानी नेपालीहरू अमेरिका आइरहेका छन् ।
पछिल्लो सात वर्षको तथ्याङक हेर्दा सन् २०१८ मा चारहजार ९७, २०१९ मा तीन हजार छ सय ३३, २०२० मा तीन हजार छ सय ९६, २०२१ मा तीन हजार आठसय एक, २०२२ मा तीन हजार आठसय दुई, २०२३ मा तीन हजार आठसय आठ र २०२४ मा तीन हजार आठ सय ६३ नेपालीलाई डीभी परेको देखिन्छ । तीमध्ये सबैले अमेरिकाको भिसा पाउँदैनन् । कतिपयले दाबी गरेअनुसारको कागजातको अभावमा भिसा पाउ“दैनन् भने कतिपय सात प्रतिशत कोटाको कारण भिसा पाउँदैनन् ।
