दिउँसो सुत्ने मानिसहरुलाई धेरैले अल्छीको संज्ञा दिन्छन् । यदि तपाईं पनि आफ्नो दिउँसो सुत्ने बानीबाट चिन्तित हुनुहुन्छ भने बुझिराख्नुहोस् यो नराम्रो बानी होइन बरु धेरै राम्रो बानी हो । यो हाम्रो शारीरिक स्वास्थ्यसँग जोडिएको कुरा हो । दिउँसो सुत्दा अल्छी हुने होइन बरु ताजगी महसुस हुनुको साथै रोग प्रतिरोधात्मक क्षमतामा समेत वृद्धि हुन्छ ।
केही मानिसहरुको भने दिँउसो पनि केही समय सुत्ने बानी हुन्छ । दिउँसो सुत्ने बानी भएका मानिसहरुलाई बिहान खाना खाइसकेपछि सुत्न मन लाग्छ । दिउँसो काम गर्दागर्दै उनीहरुलाई अल्छी लाग्छ र निदाउने गर्छन् । यस्तो बानी भएका मानिसहरुलाई दिउँसो थकान महसुस हुन्छ र निन्द्रा लाग्न थाल्छ ।
दिउँसोको समयमा सुत्ने मानिसहरुमा मुटु रोग लाग्ने खतरा अन्य मानिसहरुको तुलनामा कम हुन्छ । जो मानिस दिउँसोको समयमा १५–३० मिनेट निदाउँछन् उनीहरुको अल्छीपना टाढा हुन्छ । त्यस्तै तनाव वा मानसिक थकानलाई टाढा गर्न चाहनुहुन्छ भने दिउँसो ९० मिनेट निदाउनु राम्रो हुन्छ ।
व्यायामपछि दिमागले तिव्र रुपमा काम गर्ने हुनाले निद्रा र थकान महसुस हुन्छ तर स्वस्थ रहनको लागि व्यायाम गरेको कम्तीमा २ घन्टापछि सुत्नुपर्छ । यदि निन्द्राको महसुस भइरहेको छैन भने दिउँसो सुत्नु हुँदैन, यसले कुनै फाइदा मिल्दैन ।
