१. आत्मा हाम्रो यात्राको चरम लक्ष्य होइन । आत्मामा रोकियौ भने परमात्मा गुमाउने छौ । तिमी हठ योगी, क्रियायोगी, सहजयोगी, राजयोगी हुन सक्छौ तर यो सबै चौथो शरीरमा सीमित छ । जबसम्म आत्मयोगी बन्दैनौ, जबसम्म संकल्प सिद्ध गर्दैनौ तबसम्म समाधि हुँदैन । जबसम्म चौथो शरीरमा संकल्पद्वाा कुण्डलिनीलाई जगाउँदैनौ तबसम्म पाचौँ शरीरमा प्रवेश सम्भव छैन ।
२. साततले भवन सरिको यो मनुष्य शरीरले पूर्णता प्राप्त गर्नमा ४९ वर्ष ७ महिना ७ दिन लाग्दछ ।
३. पाचौँ शरीर आत्माको स्प्रीचुअल बडी हो, यही कारण शरीर हो । कारण शरीरभित्र छैठौँ शरीर ब्रह्मा शरीर छ— कसमिक बडी । सातौँ शरीर हो निर्वाण शरीर । चित्तमा आत्माको साक्षत्कार गरेपछि चित्तका गुणलाई प्रकृतिमा लीन गर्नाले व्यक्तिले छैठौँ शरीरमा प्रवेश गर्न सक्छ । यो आत्मा साक्षात्कार पछिको यात्रा हो । निज बोध पछि ब्रह्ममय हुनु हो । यो शरीर शून्यताको अवस्था हो ।
४. पुरुष शब्दको प्रयोग जीव, ईश्वर र परमात्मा तीनै अर्थमा आउँछ । व्यष्टि चित्तको सम्बन्धबाट चेतन तत्वको नाम जीव हो । समष्टि चित्तको सम्बन्धबाट चेतन तत्वको नाम ईश्वर हो । जो ब्रह्मको स्वरुप हो, त्यो उपर ब्रह्म हो, सगुण ब्रह्म हो— जो सर्वज्ञ छ र एउटै छ । आफ्नो शुद्ध स्वरुपमा चेतन तत्वको नाम परमात्मा हो, त्यो निर्गुुण छ, शुद्ध र परब्रह्म पनि छ ।
५. नार प्रकृति स्वरुप हो, प्रेयसी हो, पत्नी हो, स्नेह हो । यसलाई मर्यादित राख्नुपर्छ । भोगको साधन ठान्यौँ भने पतित हुनेछौ । काम सुख भोग हैन यो त एक सुजना हो ।
६. जो विराट छ, परम छ उही परमात्मा हो । प्रेम र करुणा, सेवाको मार्ग परमात्मासम्म पुग्दछ । भक्ति–प्रेममा डुब्न सक्नेले मोक्षको आनन्द पनि त्यागिदिन्छ ।
साभारः ‘महापुरुषहरुका अमर वाणी’ पुस्तकबाट
