काठमाडौँ । बलिवुडको एक चर्चित जोडी मलाइका अरोरा र अर्जुन कपुरको ब्रेकअप भएको खबर अहिले चर्चामा रहेको छ ।
४९ बर्षिय मलाइका र ३८ बर्षिय अर्जुनको ब्रेकअप भएको विषयले सामाजिक सञ्जाल र मिडिया तातेको छ । दुवैले औपचारिक रुपमा यस विषयमा प्रतिक्रिया नदिएपनि उनीहरु पछिल्लो जुन महिना देखि साथमा सार्बजनिक रुपमा नदेखिएको मिडिया रिपोर्टमा उल्लेख गरिएको छ ।
२०१७ मा मलाइकाले अरबाज खानसँगको १९ बर्ष लामो वैवाहिक सम्बन्ध तोडेर अलग भएको घोषणा गरेकी थिइन् । त्यसपछि नै उनको नाम अर्जुन कपुरसँग जोडिएको थियो । मलाइका र अर्जुनको अफ्येर्सको औपचारिक जानकारी भने २०१९ मा मात्र दिइएको थियो ।
मलाइकाको अरबाजसँग डिभोर्स हुनुको कारण पनि त्यति बेला अर्जुन कपुर भएको बताइएको थियो ।
अर्जुन कपूरसँग ब्रेकअपको हल्ला चलिरहेकै बेला मलाइका अरोराले अर्जुनका परिवारका सदस्यलाई सामाजिक सञ्जालमा अनफलो गरेपछि ब्रेकअपको चर्चा झन् बढेको छ । मलाइकाले अर्जुनका बहिनीहरू अंशुला कपूर, जान्हवी कपूर र खुशी कपूरलाई इन्स्टाग्राममा अनफलो गरेकी छिन् । यति मात्र होइन, मलाइकाले अब अर्जुनका बुवा बोनी कपूर र भाइ अनिल कपूरलाई अन फलो गरेकी छन् ।
अर्जुन कपुरले विगतमा आफ्नो इन्स्टा अकाउन्टमा छुट्टी मनाएका केहि तस्बीरहरु सार्वजनिक गरेका थिए, जसमा उनी एक्लै देखिएका थिए । पछिल्ला दिनहरुमा बलिवुडमा हुने पार्टीहरुमा पनि उनीहरु एक्ला एक्लै पुग्ने गरेकोबाट पनि ब्रेकअपको अड्कल बाजी तिब्र भएका छन् ।
