स्वस्थ रहनका लागि नियमित जुस पिउने गर्नुपर्छ । जुस पिउँदा शरीरले ताजा अनुभव गर्छ अनि आवश्यक पोषक तत्व पनि पाउँछ । यहाँ उखुको रस पिउँदा प्राप्त गर्न सकिने फाइदाको बारेमा चर्चा गरिएको छ—
– जन्डिस लाग्दा उखुको रस पिउनाले शरीरलाई छिटो निको हुन सहायता गर्छ । दिनदिनै उखुको रस पिउँदा मांसपेशी र हाडहरू बलियो हुन्छन् ।
– उखुको रसमा ग्लाइसिमिक इन्डेक्स एकदमै कम हुने हुनाले मधुमेहका रोगीहरूले पनि यसलाई पिउँदा फरक पर्दैन ।
– उखुको रसले इम्युनिटी बढाउनुको साथै रुघा, खोकी, ज्वरो र अन्य मौसमी रोग लाग्नबाट यसले जोगाउँछ ।
– उखुको रसमा पोटेसियम हुने हुँदा यसले पाचन प्रणाली सही राख्छ र पेटमा हुने संक्रमणबाट पनि बचाउँछ । कब्जियत हुनेहरूले उखुको रस पिउनु लाभदायक हुन्छ ।
– उखुको रसमा अल्फा हाइड्रोक्सी र ग्लाइकोलिक एसिड हुने हुँदा यसले छालालाई गहिरो गरी सफा गर्छ र पोषण दिन्छ । उखुको रसले शरीरमा जम्मा भएको अतिरिक्त बोसोलाई पगाल्न मद्दत गर्ने र रगत सफा गर्ने हुनाले उखुको रस पिएपछि अनुहारमा प्राकृतिक चमक आउँछ ।
