चिया नेपालीको संस्कृति नै बनिसकेको छ । धेरै नेपालीको दैनिकी पनि चियाबाट नै सुरु हुन्छ । चिया नपकाउने घर सायदै हुन्छ । कतिपय त दिनमा कैयौँपटक चिया पिइरहन्छन्, उनीहरुलाई चिया पिउन समयको कुनै मतलब पनि हुँदैन । जुन स्वस्थकर छैन । झन् खाली पेट चिया पिउँदा शरीरमा गम्भीर असरसमेत पुग्न सक्छ ।
१. चियामा एसिडको मात्रा बढी हुने हुँदा यसले शरीरमा ग्यास्ट्रिक त बनाउँछ नै, खाली पेट चिया पिउँदा अल्सरको समस्या पनि बढ्दै जान्छ ।
२. चियामा टेनिनले शरीरमा भएको आइरनसँग रियाक्ट गर्ने हुँदा खानापछि चिया पिउनाले शरीरमा भएको पोषण तत्वलाई नष्ट गर्न सक्छ ।
३. कतिपयले चियासँगै दूध पनि खाइरहेको भन्दै यसलाई स्वस्थकर मान्छन् भने कतिपयले कम दूध राखेर चिया पिउने गरेका हुन्छन् । दूधचियाले असर गर्छ भन्दै कालो चिया पिउनेको संख्या पनि ठूलै छ । तर, दूध हालेको या नहालेको जुनसुकैमा पनि चियामा भएको पत्तीले पाचन प्रणालीमा असर पु¥याउँछ । त्यसैले चियाभन्दा पहिला पानी पिउनु राम्रो मानिन्छ ।
४. दिनमा ४–५ कप चिया पिउनेहरुले भने यस्तो बानीलाई सुधार गरिहाल्नुपर्दछ । निकै तातो चिया पिउँदा पनि स्वास्थ्यलाई राम्रो गर्दैन । यसो गर्दा मानिसमा फुड पाइप या घाँटीको क्यान्सरको सम्भावना बढाउँछ ।
