१. आरोग्यताको दृढ भावना, मन्त्र जप एवम् ध्यानद्वारा पनि रोग निवृत्ति हुन्छ ।
२. स्वस्थ तथा निरोगी शरीर, ब्रह्मचर्य नियमको पालन, शारीरिक मानसिक आदि कुनै किसमको शक्ति पनि अनावश्यक व्यय नगर्नु, कर्तव्यमा दृढ हनु, दृढ आत्मविश्वास र सङ्कल्प, श्रद्धा र उत्साह, सदाचार, निर्भयता, शुभ विचार, चित्त प्रसन्नता, आसन, प्राणायाम आदिको अभ्यास, मनको एकाग्रता र ईश्वर भक्ति यी सबै इच्छा शक्तिको विकासमा सहायक छन् ।
३. प्राणशक्तिको प्रभावले इच्छाशक्तिको विकासद्वारा इष्ट प्रकृति ग्रहण र अनिष्ट प्रकृतिको त्याग गर्न सकिन्छ ।
४. आकाशमा उत्तमभन्दा उत्तम र खराबभन्दा खराब विचारहरु घुमिरहेका हुन्छन् । मानिसमा जुन प्रकारको विचार ग्रहण गर्ने प्रवृत्ति हुन्छ त्यस्तै प्रकारको विचारलाई आफूतिर आकर्षित गर्दछ ।
५. विचारको धारा तबसम्म बन्द हुँदैन जबसम्म व्यक्ति स्वयम्ले प्रबल सङ्कल्प शक्तिद्वारा आफ्नो मनलाइ रोक्न सक्दैनन् ।
६. घृणालाई हटाउन चाहन्छौ भने आफ्नो प्रेमपूर्ण भावना उसप्रति पठाउने गर ।
साभारः ‘महापुरुषहरुका अमर वाणी’ पुस्तकबाट
