काठमाडौं । दुबईमा भएको एक सार्वजनिक कार्यक्रममा बलिउड अभिनेता शाहरुख खानलाई एक महिला फ्यानले किस गरेकी छन् । आफ्नो साथीको स्वामित्वमा रहेको रियल इस्टेट ब्रान्डको प्रमोसनल कार्यक्रमका लागि मंगलबार दुबईमा पुगेका बेला मञ्चमै एक महिला फ्यानले उनको गालामा किस गरेकी हुन् । जुन अहिले सामाजिक सञ्जालमा भाइरल बनेको छ ।
शाहरुख कालो कोट, सर्ट र ट्राउजरसहित पुगेका थिए । कार्यक्रमपछि उनले केही पाहुना र फ्यानहरुसँग कुराकानी गरे । त्यही क्रममा एक महिला मञ्चमा पुगेर शाहरुखको गालामा किस गरेकी थिइन् । यससम्बन्धी भिडियो भाइरल भएपछि शाहरुखका प्रशंसक चिन्तित बनेका छन्। शाहरुखका प्रशंसकहरूले ती महिलालाई जेल हाल भनेर कमेन्ट गरेका छन् ।
सामाजिक सञ्जालमा सेयर गरिएको भिडियोमा शाहरुख आफ्नो म्यानेजर पूजा ददलानी र उनका अंगरक्षकहरूसँग ब्याकस्टेज क्षेत्रतर्फ हिँडिरहेको देख्न सकिन्छ। उनलाई पाहुनाहरू र प्रशंसकहरूले घेरेका छन्, जो उनलाई देखेर हर्षित छन्। यी सबैको बीचमा कालो पहिरन लगाएकी एउटी महिला उनीसामु आइन् र सोधिन्, ‘के म तिमीलाई चुम्बन दिन सक्छु ?’, तर शाहरुखले जवाफ दिनुअघि नै उनले उनको गालामा किस गरिन्। उनी त्यसपछि हिँड्छिन् र आफूले गरेको काममा खुसीसाथ हाँसेको देखिन्छ।
