काठमाडौं । अमेरिकाका अर्बपति लगानीकर्ता एवम् दानी व्यापारी जर्ज सोरोसले आफ्नो अर्बौं डलरको परोपकारी संस्था छोरालाई सुम्पिने भएका छन् । ९२ वर्षीय सोरोसले २५ अर्ब डलरको फाउन्डेशन आफ्ना छोरा अलेक्जान्डरलाई दिने निर्णय गरेका छन् ।
यसअघि ओपन सोसाइटी फाउन्डेशन्स (ओएसएफ) को स्वामित्व आफ्ना पाँच भाइ छोरामध्ये कसैलाई पनि उनले दिन चाहेका थिएनन् । तर, पछि उनले आफ्नो मन फेरे ।
सोरोसको नेटवर्थ ६ अर्ब ७० करोड डलर आसपास छ । अलेक्स गएको डिसेम्बरमा ओएसएफका अध्यक्ष बनेका थिए ।
मानव अधिकार हनन र भ्रष्टाचार विरुद्धका अभियानमा विश्वका १२० भन्दा धेरै देशमा काम गरिरहेको ओएसएफले वर्षेनी डेढ अर्ब डलर परोपकारी काममा खर्च गर्ने गरेको छ । सन् २०१८ मा मात्रै ओएसएफलाई सोरोसले १८ अर्ब डलर दिएका थिए । एजेन्सी
