प्रायः गरेर मानिसले फलफूल खान समयलाई कुनै महत्व दिँदैनन्, जतिबेला खाए पनि हुन्छ भन्ने गर्छन् । कतिपय व्यक्तिको बानी नै हुन्छ खानासँगै या खाना खाएलगत्तै फलफूल पनि खाने । यस्तो बानी स्वास्थ्यका लागि एकदमै नराम्रो हो । फलफूल खाने पनि समय हुन्छ । यदि सही समयमा फलफूल खाइयो भने मात्र त्यस फलफूलले शरीरमा फाइदा पु-याउँछ ।
– खाना खानुभन्दा आधा घण्टा अगाडि अथवा खाना खाइसकेको आधा घण्टा पछि मात्रै फलफूल खाने गर्नुपर्छ । अन्यथा पाचन तथा एसिडिटी सम्बन्धी समस्या हुन सक्छ ।
– बिहानको समयमा फलफूलसको सेवन स्वास्थ्य तथा शरीरका लागि सबैभन्दा बढी फाइदाजनक हुन्छ । तर अमिला फलहरु जस्तै सुन्तला, मौसम खालीपेटमा खाँदा एसिडिटी बढ्न सक्छ ।
– फलफूलको चयन पनि आफ्नो शरीरको अवस्था अनुसार गर्नुपर्छ । चिसो महशुष भइरहेको छ भने केरा, सुन्तला, मौसम जस्ता फल नखाँदा राम्रो हुन्छ र गर्मी भइरहेको बेला मेवा, आँप जस्ता फलफूल कम खाने गर्नुपर्छ ।
– फलफूल र दूध तथा दही सँगैै खाँदा स्वास्थ्य सम्बन्धी अनेक समस्या देखा पर्छन् त्यसैले फलफूलसँग दूध वा दही खाने बानी छ भने आजैदेखि छोड्दिहाल्नुस् ।
– मिर्गौला, पथ्थरीजस्ता रोगबाट पीडित बिरामीले चिकित्सकसँग सल्लाह गरेर मात्रै कुन फलफूल खुवाउन मिल्छ त्यही फलफूल मात्र खुवाउनुपर्छ । खरभुजा खाँदा यसको साथमा अरु फलफूल नखाँदा राम्रो हुन्छ ।
