ढुङ्गा पनि जीवित हुन्छ र ? हुँदैन । तर यहाँ त जीवित ढुङ्गाको कुरा हुँदैछ । प्युरा चिलेन्सिस नाम एक जीवित वस्तुलाई मानिसहरु ढुङ्गा भन्ठान्छन् । यसको साइडबाटै यसलाई कुल्चेर र लात मारेर हिँड्दा ढुङ्गा जस्तै लाग्छ तर जब यसलाई काटेर हेरिन्छ तब थाहा हुन्छ, यो जीव हो ।
जिउँदो ढुङ्गाको रुपमा चिनिएको प्युरा चिलेन्सिस वास्तवमा अचम्म लाग्दो प्राणी हो, जुन चिली र पेरुको ढुङ्गाको बगरमा पाइन्छ । समुद्रको पानीमा पाइने खान मिल्ने माइक्रो एलगी यसले खाने गर्दछ । यसको रगत सफा हुन्छ र यसले रहस्यमय र निकै दुर्लभ तत्व, भानादियमको संकलन गर्ने कार्य गर्दछ । एलियन जस्तो देखिने यो प्राणी पुलिङ्गको रुपमा छ तर अहिले यसले महिलाको अङ्ग पनि विकसित गरेको अध्ययनकर्ताहरु बताउँछन् । यसले अण्डा र स्पर्म दुवै निकालेर प्रजननमा कार्य गर्दछ । पछि यो भ्यागुतोजस्तो देखिन्छ र विस्तारै नजिकैको ढुङ्गामा बस्न थाल्छ । ठूलो हुँदै गएपछि यो ढुङ्गाजस्तै बन्दछ ।
यो ढुङ्गा हो कि जीव हो भन्ने कुरा काटेपछि मात्र थाहा हुन्छ । प्युरा चिलेन्सिस ट्युनिसिन नामक बाक्लो पदार्थले छोपिएको हुन्छ तर त्यसको ठिक मुनिपट्टि रातो मासुजस्तो तत्व हुन्छ । जसले पहिलो पटक हेर्ने मानिसको सातो लिने गर्दछ । चिलेनियन र पेरुभिएन बासिन्दाले प्युरा चिलेन्सिसलाई वर्षाैंदेखि एक व्यवसायको रुपमा प्रयोग गर्दै आएका छन् ।
साभारः ‘विचारप्रवाह’ पुस्तकबाट
