काठमाडौं । इन्डो–नेपाली चलचित्र ‘परस्त्री’को पोष्टर सार्वजनिक भएको छ । पोष्टरलाई ट्राइडेन्ट कन्सेप्टका रोयल भिमसेनले तयार पारेका हुन् ।
सुरज पाण्डेको निर्देशन, शर्मिला पाण्डेको निर्माण, दीपेन्द्र के खनालको लेखनमा तयार भएको चलचित्रलाई नेपाली र हिन्दी भाषामा रिलिज गर्ने तयारीमा निर्माण टिम रहेको छ । असार १५ गते संसारभर एकैसाथ चलचित्र रिलिज हुनेछ ।
पछिल्लो समय नेपाली र हिन्दी भाषामा चलचित्र बनाउने क्रम सुरु भएको छ । अघिल्लो वर्ष ‘प्रेमगीत ३’ चलचित्र हिन्दी भाषामा पनि बनेको थियो । चलचित्रले सबैतिरबाट प्रशंसा पाएको थियो ।
