काठमाडौँ । नेपाल बार एसोसिएसनले प्रधानन्यायाधीश नियुक्ति लगायत विभिन्न ८ बुँदे माग राखेर आन्दोलन सुरु गरेको छ ।
नेपाल बार एसोसिएसनको रामशाह पथस्थित केन्द्रीय कार्यालयमा प्रधानन्यायाधीश नियुक्ति लगायत विभिन्न ८ बुँदे माग राखेर आज आन्दोलनका कार्यक्रम घोषणा गरेको हो ।
नेपाल बारले प्रधानन्यायाधीश नियुक्ति गर्नुपर्ने, न्यायपालिका सुधार गर्नुपर्ने, संवैधानिक परिषद्को बैठक बोलाउनुपर्ने, संसदीय सुनुवाई समिति गठन गर्नुपर्ने लगायतका माग राखेको छ ।
नेपाल बारले सर्वोच्च अदालत लगायत सबै तहका अदालतमा रिक्त न्यायाधीशहरूको यथाशीघ्र नियुक्ति गर्न समेत माग गरेको छ ।
नेपाल बारले आइतबारदेखि एक सातासम्म प्ले कार्ड लिएर प्रदर्शन गर्ने र एक साताभित्र पनि माग पूरा नभए अर्को चरणको आन्दोलन सुरु जनाएको छ ।
