किन खाने लसुन ?

हाम्रो भान्सामा अनिवार्य जस्तै प्रयोग हुनेगर्छ लसुन । यो खानेकुराको स्वाद बढाउन मात्र नभई औषधीय गुणले पनि भरिपूर्ण छ । त्यसैले लसुन स्वाद र वास्नासँगै स्वास्थ्यका लागि पनि महत्वपूर्ण छ ।
– काँचो लसुनको दुई केस्रा मनतातो पानीसँग पिउने गर्दा रगत सफा हुन्छ । जसले गर्दा हातखुट्टा वा गर्दनमा मूसाको समस्या वा छालाजन्य रोग लागेमा फाइदा पुग्छ । यसले छालामा पनि चमक ल्याउँछ ।
– लसुनको दुई केस्रा मह र अदुवासँग नियमित रुपमा सेवन गर्नाले शरीरको रोग प्रतिरोधात्मक क्षमता बढाउनुको साथै ब्लड क्यान्सर, ब्रेस्ट र पेटको क्यान्सरको संभावना कम हुन्छ ।
– लसुनमा एन्टिअक्सिडेन्ट गुण पर्याप्त मात्रामा हुने हुँदा यसको सेवनले कोलेस्टोरको स्तर नियन्त्रित राख्न उपयोगी हुन्छ भने नियमित रुपले लसुन सेवन गर्दा उच्च रक्तचाप र ब्लड सुगर पनि नियन्त्रण हुने गर्छ ।
– लसुनमा हुने एन्टि ब्याक्टेरियल, एन्टी भाइरल र एन्टी फंगल गुणका कारण यसको नियमित सेवनले सानोतिनो इन्फेक्सनको भय हुँदैन ।