नयाँदिल्ली । खालिस्तान समर्थक अमृतपाल सिंहलाई पञ्जाब प्रहरीले आइतबार ९बिहान० मोगाबाट पक्राउ गरेको छ ।
अमृतपाललाई मोगाको रोडे गाउँको गुरुद्वाराबाट पक्राउ गरिएको भारतीय सञ्चारमाध्यम दैनिक भास्करले जनाएको छ । अब अमृतपाललाई भटिण्डाबाट विमानबाट असमको डिब्रुगढ जेल लगिने छ । अमृतपालविरुद्ध एनएसएअन्तर्गत मुद्दा दर्ता गरिएको छ ।
३० वर्षीय सिंहले पन्जाबलाई सिखहरूको लागि छुटै ’खालिस्तान’ राष्ट्र बनाउनुपर्ने माग गर्दै आएका छन्। उनीविरुद्ध भारतमा राज्य विप्लव विरुद्धको आरोपदेखि ज्यान मार्ने उद्योग लगायतका विभिन्न आरोपहरू रहेका छन्।
अमृतपाल ३६ दिनदेखि फरार थिए । अमृतपालले आफ्ना एक समर्थकको रिहाइका लागि फेब्रुअरी २३ मा पञ्जाबको अजनाला प्रहरी चौकीमा आक्रमण गरेका थिए । घटनापछि प्रहरीले उनलाई खोजिरहेको थियो । यसअघि उनी नेपालमा पनि आएको आशंका गरिएको थियो ।
