काठमाडौं। भारतको सत्ताधारी दल भारतीय जनता पार्टी ९भाजपा०का विदेश विभाग प्रमुख विजय चौथाइवाले नेपालमा छन्। कैलालीको धनगढीमा जारी मानसखण्ड अन्तर्राष्ट्रिय सम्मेलनमा सहभागी हुन चौथाइवाले सडकमार्ग हुँदै धनगढी आइपुगेका हुन्।
धनगढी आएका चौथाइवाले सोमबार काठमाडौं आएर राजनीतिक भेटवार्तामा सहभागी हुने बताइएको छ। उनले प्रधानमन्त्री पुष्पकमल दाहाल (प्रचण्ड) र परराष्ट्रमन्त्री एनपी साउदसँग भेट गर्ने कार्यक्रम छ।
धनगढीमा उनले सुदूरपश्चिम प्रदेशका मुख्यमन्त्री कमलबहादुर शाहसँग भेट गरेका छन्। यस्तै, उनलाई सुदूरपश्चिम प्रदेशका भौतिक योजनामन्त्री प्रकाश देउवा र आर्थिक मामिलामन्त्री नरेश शाहीले स्वागत गरेका थिए।
सुदूरपश्चिम विश्वविधालय र भारत उत्तराखण्डको कुमाउ विश्वविद्यालयको संयुक्त आयोजनामा धनगढीमा मानसखण्ड अन्तर्राष्ट्रिय सम्मेलन भइरहेको हो। जसको समापनमा सहभागी हुन चौथाइवाले धनगढी पुगेका हुन्।
