काठमाडौं । सभामुख देवराज घिमिरेले संघीय लोकतान्त्रिक गणतन्त्रात्मक शासन व्यवस्थालाई मजबुत बनाउँदै जनताको विकास र समृद्धिको आकांक्षा पूरा गर्ने अभियानलाई तीव्रता दिन सकिने वातावरण बनेको बताएका छन् ।
घिमिररेले नयाँ वर्ष २०८० को शुभकामना सन्देश जारी गर्दै उस्तो बताएका हुन् । अब हरेक नेपालीले दुःखी हुनुपर्ने अवस्था नरहेको बताएका छन् ।
‘नयाँ वर्ष प्रवेशसंगैँ आर्थिक क्षेत्रका सचांकहरुमा सकरात्मक परिवर्तन भएको बताएका छन् । ‘अब राजनीतिक नेतृत्वले समस्त नेपालीको जीवनलाई थप उन्नत र समृद्ध बनाउन विशेष योजना, मार्गचित्र निर्माण गरी कार्यारम्भ गर्न जरुरी रहेको सभामुख घिमिरेले जारी गरेको सन्देशमा उल्लेख गरिएको छ ।
राज्यका तीन अंगहरुमध्ये कानून निर्माण गर्ने मुख्य थलो संसद भएको र प्रतिनिधि सभाले विधेयकहरूमाथिको छलफल सुरु गरेको उल्लेख गर्दै संसदलाई अझै प्रभावकारी र गतिशील बनाउन सबै राजनीतिक दलहरूसँग छलफल जारी रहेको उल्लेख गरेका छन् ।
‘जनसहभागिता, राजनीतिक सहमति, सहकार्यका आधारमा संसदले बनाउने कानूनले आर्थिक, सामाजिक, साँस्कृतिक रूपान्तरण र सुशासन प्रवर्द्धनमा टेवा पुग्ने विश्वास समेत लिएको सभाम््ख घिमिरेले बताए ।
