काठमाडौं । राष्ट्रपति रामचन्द्र पौडेल बिरामी भएपछि त्रिवि शिक्षण अस्पताल महाराजगञ्ज भर्ना गरिएको छ।
उनको पेटमा समस्या देखिएपछि शनिबार साँझ उनलाई अस्पताल भर्ना गरिएको अस्पतालले जनाएको छ । हाल उनको उपचार भइरहेको छ।
राष्ट्रपति पौडेललाई चिकित्सकहरूको निगरानीमा राखिएको छ । राष्ट्रपति पौडेल त्रिवि शिक्षण अस्पताल भर्ना भएको र चिकित्सकको निगरानीमा राखिएको राष्ट्रपतिको सचिवालयले जनाएको छ।
पौडेल गत फागुन २५ गते राष्ट्रपतिमा निर्वाचित भएका थिए। त्यसलगत्तै उनको स्वास्थ्य परीक्षणसमेत गरिएको थियो ।
