उमेर ढल्किँदै जाँदा सुत्ने समस्या बढ्दै जानु स्वाभाविक प्रक्रिया भएको कुरा वैज्ञानिकहरुले बताएका छन् । त्यसैले उनीहरुलाई सुत्न गाह्रो हुन्छ र बीचबीचमा पनि निद्रा खुलीरहन्छ र सबेरै निद्राले छोड्छ ।
यी सबै कुरा हेर्दा समस्या देखिए तापनि बुढेसकालका लक्षणमात्र हुन खासै समस्या हैनन् । तर कतिपय बूढा–बूढीहरु यसलाई अनिद्रा रोग ठान्दछन् र निद्राको औषधीसमेत खान्छन् जुन अनावश्यक कुरा हो भन्छन् अनुसन्धानकर्ताहरु ।
अनुसन्धानमा संलग्न हार्वर्ड विश्वविद्यालयका डाक्टर एलिजावेथ किरमन खुलस्त पार्छन्— यदि भोलिपल्ट दिनभरी थकान महसुस हुन्छ र मानसिक क्रियाकलाप पनि मन्द हुन्छ भने मात्र अनिद्राको समस्या भएको मान्नुपर्दछ । अन्यथा निद्रा नपुग्नुलाई स्वाभाविक ठान्नुपर्दछ ।
साभारः ‘दीर्घजीवनका रहस्यहरु’ पुस्तकबाट
