कतिपय अवस्थामा रक्सी–चुरोटजस्ता खराब कुरा खाएको खायै गर्नेहरु पनि दीर्घजीवी र तन्दुरुस्त देखिन्छन् भने यसको उल्टो कुनै दुव्र्यसनमा नपरेकाहरु पनि छिट्टै मरिरहेका एवं रोगी जीवन बिताइरहेका भेटिन्छन् । वैज्ञानिक एवं शोधकर्ताहरु यसको कारण पत्ता लगाउन सफल भएका छन्— त्यो हो प्रवृत्ति ।
स्वास्थ्य र प्रवृत्तिः जन्मजातै सकारात्मक प्रवृत्ति भएका मान्छेहरु दुव्र्यसनको बाबजुद पनि तुलनात्मक रुपमा स्वस्थ रहेको पाइए भने नकारात्मक प्रवृत्ति भएकाहरु स्वस्थ नभएको र छिट्टै मर्ने गरेको देखियो ।
फिनल्याण्डका वैज्ञानिकहरुले उच्च रक्तचाप नभएका अधबैंसेहरुमाथि छानबिन गरेका थिए । उनीहरुमध्ये को–कोमा कतिसम्म मुटुको रोग ल्याउने तत्वहरु छन् भनी ठम्याउँदै गए । जस्तैः
१) मोटोपन २) रक्सी सेवन ३) चुरोट ४) व्यायाम नगर्ने परिपाटी र ५) वंशाणुगत तत्व आदि । चार वर्षपछि उनीहरुमाथि फेरि स्वास्थ्य परीक्षण गर्दा नकारात्मक प्रवृत्ति भएकाहरुमा उच्च रक्तचापको सम्भावना अत्यधिक पाइयो र उल्लिखित पाँचवटै तत्वभन्दा नकारात्मक भावना नै बढी खतरनाक देखियो ।
त्यस्तै ६५ वर्ष नाघेकाहरुमाथि गरिएका एक परीक्षणले पनि यही कुरालाई पुष्टि गरेको छ कि आशावादी र सकारात्मक प्रवृत्ति भयो भने पनि उच्च रक्तचाप लाग्ने सम्भावना निकै कम हुने रहेछ । आशावादी वा सकारात्मक प्रवृत्ति भएकाहरुमा कार्टिजोन नामक हर्माेन अर्थात् तनाव अनुभव गराउने रसायन अरुमा भन्दा न्यून स्तरमा पाइयो भने हृदयघातको संभावित तत्व सी–क्रेटिभ प्रोटिन इन्टरल्यूकिन अरुको तुलनामा कमै पाइयो ।
साभारः ‘नव सफलता शास्त्र २’ पुस्तकबाट
