जसरी विश्वेश्वरैया समयका पक्का थिए त्यसरी नै उनी नियमका पनि पक्का थिए । कुरा त्यो वेलाको हो जब भारत रत्नको उपाधि लिनको लागि उनी दिल्ली गएका थिए । सरकारी पाहुना भएको कारण उनलाई राष्ट्रपति भवनमा बसाइएको थियो ।
एक दिन बिहान तत्कालीन राष्ट्रपति डा. राजेन्द्रप्रसादसँग उनले भने, अब मलाई जाने अनुमति दिनुस् ।
जब राजेन्द्रले उनलाई अरु केही दिन बस्नको लागि आग्रह गरे तब उनले भने, राष्ट्रपति भवनको नियम हो कि कुनै पनि मानिस यहाँ तीन दिनभन्दा धेरै बस्न सक्दैन, यसैले अब म यहाँ बस्न सक्दिनँ ।
राजेन्द्रले उनलाई सम्झाए र भने, तर यो नियम पुरानो भइसक्यो र तपाईंमा लागू हुँदैन ।
तर डा. विश्वेश्वरैयाले उनको कुरा मानेनन् र उनीसँग विदा लिएर अन्तै कतै बस्नको लागि गए ।
साभारः ‘प्रेरक प्रसङ्हरु’ पुस्तकबाट
