पोखरा, १० फागुन । एलोमेट्रिक इक्वयसन विकास कार्यका लागि गण्डकी प्रदेशमा पहिलो पटक कास्कीबाट रुख कटान शुरु गरिएको छ । पोखरा–२५ हेमजामा रहेको देउराली सामुदायिक वनको करिव साठी वर्ष पुरानो चिलाउनेको रुख प्रयोगशाला परीक्षणको लागि काटिएको हो । योसँगै सो वनमा आवश्यकता अनुसार रुखहरु काटिनेछन् । जुन रुखहरु डिभिजन वन कार्यालय कास्कीको सहयोगमा पहिल्यै मार्किङ गरिसकिएको छ ।
एलोमेट्रिक इक्वयसन विकास कार्यका लागि देशका सात वटै प्रदेशमा यो वर्षमा विभिन्न सात प्रजातिका ४ सय ८९ वटा रुख काटिने वन अनुसन्धानतथा प्रशिक्षण केन्द्र बबरमहलका काठमाण्डौंका महानिर्देशक यमप्रसाद पोख्रेलले जानकारी दिनुभयो । एलोमेट्रिक इक्वयसन विकासका लागि रुख कटान गरि विभिन्न पद्धतिमार्फत प्रयोगशाला परीक्षण गरिन्छ । जसको नतिजा आउन एक वर्ष नै लाग्ने वन अनुसन्धान तथा प्रशिक्षण केन्द्रका वायोमेट्रिसियन ठाकुर सुवेदीले जानकारी दिनुभयो ।
वन अनुसन्धान तथा प्रशिक्षण केन्द्रका उपसचिव राजकुमार गिरीले फरेस्टी फर प्रोस्पेरिटी कार्यक्रमका लागि विश्व बैंकको वित्तीय सहयोगमा साल, असना, बोटधाएरो, चिलाउने, कटुस, उत्तीस र खोटे सल्लोका कुल ४ सय ८९ मध्ये पश्चिमी क्षेत्रको प्याकेज १ अन्तरगत २ सय ४८ वटा पिच राज देबि जेबि र पूर्वी क्षेत्रको दोस्रो प्याकेज अन्तरगत २ सय ४१ वटा रुख प्राक्टी सोलुसन कन्सल्टेन्सी नेपाल संस्थाले काम गरिरहेको जानकारी दिनुभयो ।
उहाँका अनुसार गण्डकी प्रदेशका ११ जिल्लामध्ये कास्की, बाग्लुङ, लमजुङ, गोरखा, तनहुँ र पर्वत जिल्लाका वनमा रुखहरु छनोट गरी काटिनेछ ।यो कार्यक्रमको नेतृत्व मुख्यत:वन अनुसन्धानतथा प्रशिक्षण केन्द्र,बबरमहल काठमाण्डौंले गरे पनि सात वटै प्रदेशमा कार्यक्रम सञ्चालन गरिने हुँदा सम्वन्धित कार्यालयहरुले समन्वय गरेका छन् ।
कास्कीमा शुरु भएको रुख कटान कार्यक्रमको फिल्डमा वन अनुसन्धान तथा प्रशिक्षण केन्द्रका उपसचिव सावित्री अर्याल, गण्डकी प्रदेशका वननिर्देशक रामकाजी श्रेष्ठ, डिभिजन वनकार्यालय कास्कीका डिभिजनल वनअधिकृत केदार बराल, देउराली सामुदायिक वनका पदाधिकारी, सम्वन्धित क्षेत्रका अन्य कर्मचारीका साथै दुवै वटा कन्सल्टेन्सीबाट टिम लिडर लगायतको उपस्थित रहेको छ ।
