सियोल । उत्तर कोरियाले अन्तरमहादेशीय क्षेप्यास्त्रको परीक्षण गरेको भोलिपल्टै दक्षिण कोरिया र अमेरिकाले संयुक्त हवाई सैन्य अभ्यास गरेका छन् ।
उक्त हवाई सैन्य अभ्यासमा दक्षिण कोरिया र अमेरिकाका लडाकु तथा रणानीतिक बम(वर्षक विमान प्रयोग गरिएको थियो । उक्त सैन्य अभ्यासले गठबन्धन राष्ट्रको सशक्त रक्षा क्षमता र तयारी अवस्थालाई प्रदर्शित गरेको दक्षिण कोरियाका रक्षा प्रमुखले बताएका छन् ।
यसअघि आजै उत्तर कोरियाले शनिवार अन्तर(महादेशीय क्षेप्यास्त्र आई(सी(बी(एम(को परीक्षण गरेको पुष्टि गर्दै विज्ञप्ती जारी गरेको थियो । ह्वासोङ् फिफ्टिन नामको उक्त क्षेप्यास्त्र ६७ मिनेटमा नौ सय किलोमिटरको दूरी पार गर्दै जापानको समुद्रमा खसेको प्योङयाङले जनाएको छ । उक्त परीक्षणले अमेरिका र दक्षिण कोरिया जस्ता शत्रु राष्ट्रको प्रतिकार गर्न आफ्नो देश सक्षम रहेको पुष्टि गरेको प्योङयाङको भनाइ छ ।
उत्तर कोरियाली नेता किम जोङ उनकी बहिनी किम यो जोङले एक बेग्लै विज्ञप्ती जारी गर्दै आफनो देशविरुद्ध गरिने कुनै पनि शत्रुतापूर्ण कार्यको कठोर र सशक्त जवाफ दिइने चेतावनी दिएकी छन् । अमेरिका र दक्षिण कोरियाले अर्को महिनादेखि गर्ने भनिएको संयुक्त सैन्य अभ्यासको विरोधमा प्योङयाङले उक्त परीक्षण गरेको हो ।
प्योङयाङले अन्तरमहादेशीय क्षेप्यास्त्र परीक्षण गरेको भोलिपल्टै संयुक्त हवाई सैन्य अभ्यास गरेर अमेरिका र दक्षिण कोरियाले त्यसको सामना गर्न आफूहरु तम्त्यार रहेको सन्देश दिएका हुन् । यसैबीच जापानको फुजी न्यूज नेटवर्क समाचार समितिले जापान र अमेरिकाले पनि संयुक्त हवाई सैन्य अभ्यास गर्ने सम्भावना रहेको जनाएको छ ।
