हेटौँडा । बागमती प्रदेशमा सरकार गठनका लागि नेकपा (एमाले) का किरण थापामगरले दाबी पेस गरेका छन् ।
नेपालको संविधानको धारा १६८ को उपधारा (२) बमोजिम सरकार गठनका लागि थापाले ६३ प्रदेशसभा सदस्यको समर्थनसहित प्रदेश प्रमुख दीपकप्रसाद देवकोटासमक्ष दाबी पेस गरेका हुन् ।
थापालाई एमालेका २५, नेकपाका २६ र राष्ट्रिय प्रजातन्त्र पार्टी (राप्रपा)का १२ गरी ६३ सांसदको समर्थन रहेको छ ।
मुख्यमन्त्रीको दाबी पेस गर्दा एमाले संसदीय दलका नेता जगन्नाथ थपलिया, राप्रपा नेता उद्धव थापा र नेकपा संसदीय दलका नेता शालिकराम जम्कट्टेलले समर्थनपत्रमा हस्ताक्षर गरेका छन् ।
बहुमत सांसदको समर्थनसहित दाबी पेस गरेपछि प्रदेश प्रमुखले संविधानअनुसार नयाँ सरकार गठनको प्रक्रिया अघि बढाउनेछन् ।
