एसईई परीक्षामा उत्कृष्ट सफलता हासिल गरेका विद्यार्थीहरूलाई सम्मान गर्ने उद्देश्यले वडा कार्यालयले एक विशेष विद्यार्थी सम्मान कार्यक्रम सम्पन्न गरेको छ।
कार्यक्रममा सफल विद्यार्थीहरूको मेहनत, अनुशासन, लगनशीलता तथा शैक्षिक उपलब्धिको उच्च मूल्याङ्कन गर्दै सम्मानपत्र तथा मायाको चिनो प्रदान गरिएको थियो। यस्ता सम्मानले विद्यार्थीहरूमा आत्मविश्वास अभिवृद्धि हुनुका साथै आगामी दिनमा अझ उत्कृष्ट नतिजा हासिल गर्न प्रेरणा मिल्ने वडा प्रमुख दिनेश महर्जन ले विश्वास व्यक्त गरे।
वडा कार्यालयले शिक्षा क्षेत्रमा सकारात्मक प्रतिस्पर्धा, गुणस्तरीय अध्ययन संस्कृति तथा उत्कृष्टताको भावना विकास गर्न यस्ता कार्यक्रम प्रभावकारी हुने उल्लेख गरेको छ।
कार्यक्रममा सहभागी सम्पूर्ण विद्यार्थी, अभिभावक, शिक्षक तथा उपस्थित अतिथिहरूप्रति वडा कार्यालयले धन्यवाद व्यक्त गरेको छ। साथै कार्यक्रमलाई सफल बनाउन सहयोग पुर्याउने वडा जनप्रतिनिधि, कर्मचारी तथा प्रत्यक्ष–अप्रत्यक्ष रूपमा योगदान गर्ने सम्पूर्ण महानुभावहरूप्रति हार्दिक आभार प्रकट गरिएको छ।
