आज २०८३ साल असार ४ गते बिहीबारको राशिफल
-ज्योतिष पण्डित सूर्यनाथ लुइटेल
मेष : दिन सामान्य छ। प्रष्ट गरी बोल्नुपर्ने समय छ। खर्च बढ्ने भएकाले सचेत बन्नुपर्नेछ। संकटमा आफन्तको साथ मिल्नेछ। निजी क्षेत्रको लगानी र व्यापारमा फाइदा हुनेछ। धार्मिक कार्यमा सहभागी हुँदा मन शान्त बन्नेछ।
वृष : साझेदारीमा गरेको लगानीबाट फाइदा हुनेछ। परीक्षा लेखेको भए नतिजा राम्रो प्राप्त हुनेछ। रोग प्रतिरोधात्मक क्षमता बढ्नेछ। प्रेम सम्बन्ध सुमधुर बन्नेछ।
मिथुन : तपाईंको बोलीकै कारण राम्रा काम बन्नेछन्। साथीसँगको भेटघाट र छलफलले मन शान्त बन्नेछ। विदेशको आकर्षण बढ्नेछ। लगानी गरेको भए फाइदासमेत हुनेछ।
कर्कट : मन शान्त बन्नेछ। खुशी मिल्ने दिन छ। लगानीको क्षेत्र विस्तार हुनेछ। तपाईंको काममा साथीको साथ मिल्नेछ। राज्यका तर्फबाट भने घाटा हुनेछ। राज्यको काम गर्दा ठगको फन्दामा पर्ने जोखिम छ।
सिंह : आज थोरै मात्र बोल्नु उपयुक्त हुनेछ । आफन्तसँग अविश्वास बढ्नेछ। साना कुराले मन अशान्त बन्नेछ। उत्तरको लामो यात्रा नगर्नु उचित हुनेछ। दैनिक काम भने सामान्य ढंगले बन्नेछन्। प्रेम सम्बन्धमा खटपटी बढ्नेछ।
कन्या : दिन राम्रो छ। आम्दानीका स्रोत भेटिँदा मन शान्त बन्नेछ। विपक्षी साथीले प्रशंसा गर्नेछन्। दाम्पत्य जीवन सुखमय बित्नेछ। प्रेम सम्बन्ध सुमधुर बन्ने योग छ।
तुला : आज शुभ दिन रहेको छ । शिक्षामा गरेको मिहिनेतले राम्रो नतिजा दिनेछ । साथीभाइको साथ र सहयोग मिल्नेछ। राज्यको तर्फबाट सेवाको अवसर मिल्नेछ।
वृश्चिक : साथीसँग सहकार्य गरेर सुरु गरेको काम सफल बन्नेछ। निजी क्षेत्रमा गरेको लगानीबाट फाइदा हुनेछ। लगानी गर्न हिम्मत गर्नुपर्ने दिन छ। आफ्नो लक्ष्यमा अगाडि बढ्ने समय आएको छ। तर साना कुराले मनमा छटपटी बढ्नेछ।
धनु : अनावश्यक खर्चबाट बच्ने दिन छ। शिक्षा र स्वास्थ्यले साथ दिनेछ। आफूले बनाएको योजना अनुसारको काम अगाडि बढाउनु उचित हुनेछ। आफन्तले भन्दा बाहिरका व्यक्तिले सहयोग गर्ने योग छ।
मकर : दिन सहज छ। सम्पत्तिको सदुपयोग गर्नुपर्नेछ। स्वास्थ्यमा सुधार हुँदा मन हर्षित हुनेछ। उत्तरको लामो यात्रा नगर्नु उचित हुनेछ। प्रेम सम्बन्ध भने सुमधुर बन्ने योग छ।
कुम्भ : अनावश्यक धन खर्च हुनेछ। फजुल खर्च कटौती गर्नुपर्नेछ। विपक्षी साथी शान्त रहेकाले काम गर्ने अवसर मिल्नेछ। राजनीतिक क्षेत्रमा विरोधको स्वर सुन्नुपर्नेछ। परिवारको साथ र सहयोग प्राप्त हुनेछ। आज जोगिएर काम गर्नुपर्नेछ ।
मीन : आज मानसम्मान प्राप्त हुने दिन छ। शिक्षाको क्षेत्रमा गरेको प्रयास सफल बन्नेछ। मनको कुरा खुल:त ढंगले साथीसँग साटेमा फाइदा हुनेछ। धार्मिक कार्यमा सहभागी भएर दिनको सुरुवात गर्दा फाइदा हुनेछ।
