नेपाल वायुसेवा निगमको सञ्चालक समिति सदस्य छनोट प्रक्रिया अघि नबढाउन सरकारका नाममा सर्वोच्च अदालतले अन्तरिम आदेश जारी गरेको छ ।
शुक्रबार न्यायाधीशद्वय कुमार रेग्मी र श्रीकान्त पौडेलको इजलासले पर्यटन मन्त्रालय र निगमको छनोट समितिलाई कामकाज रोक्न आदेश दिएको हो । उपेन्द्रबहादुर कार्कीले प्रतिस्पर्धाको सूचीमा परेर पनि अन्यायपूर्वक छनोट नगरिएको दाबी गर्दै सर्वोच्च अदालतमा रिट दायर गरेका थिए ।
