अमेरिकी सेनाले दक्षिणी इरानका विभिन्न स्थानमा नयाँ आक्रमण गरेको जनाएको छ । अमेरिकी सेनाको केन्द्रीय कमान्डका अनुसार इरानी मिसाइल साइट तथा समुद्री क्षेत्रमा बारुदी सुरुङ राख्न खोजिरहेका डुंगामाथि आत्मरक्षाका लागि हमला गरिएको हो ।
सेन्ट्रल कमान्डले जारी युद्धविरामकै बीच आफ्ना सैनिकमाथि हुन सक्ने खतरा रोक्न संयमित ढंगले कारबाही जारी राखिएको जनाएको बीबीसीको समाचारमा उल्लेख छ ।
यसबीच इरानका विदेश मन्त्रालयका प्रवक्ता इस्माइल बाघाईले अमेरिकासँग भइरहेको वार्तामा केही प्रगति भएको स्वीकार गरे पनि तत्कालै सम्झौता हुने अवस्था नरहेको बताएका छन् ।
अमेरिका र इजरायलले गत २८ फेब्रुअरीमा इरानमाथि व्यापक हमला गरेपछि मध्यपूर्वमा तनाव चर्किएको थियो । त्यसको प्रत्युत्तरमा इरानले इजरायल तथा अमेरिकासँग निकट खाडी राष्ट्रहरूलाई निशाना बनाएको थियो भने स्ट्रेलट अफ होर्मुज बन्द गरेपछि विश्व बजारमा तेलको मूल्य आकासिएको छ ।
