काठमाडौँ – पाकिस्तानमा एक जना सर्वसाधारणलाई ‘यातना दिएको’ आरोपमा प्रहरी चौकी प्रमुख सहित चार प्रहरी निलम्बनमा परेका छन् ।
पाकिस्तानको रावलपिण्डी सहरस्थित प्रहरी कार्यालयमा परेको उजुरीका आधारमा प्रहरीहरु निलम्बनमा परेको पाकिस्तानबाट प्रकाशित हुने डन अखबारको अनलाइन संस्करणले जनाएको छ ।
आफूले सञ्चालन गर्दै आएको स्नूकर क्लबमा प्रहरी आएर आफूलाई धम्की दिएको र क्लब नै बन्द गर्न उर्दी जारी गरेको पीडितको भनाइ छ । साथै उनले प्रहरीले आफूमाथि दुव्र्यवहार गरेको र आफूलाई यातना दिएको समेत बताएका छन् ।
पीडितले उजुरी दिएसँगै अनुसन्धानपछि नजिकै सदिकाबादमा रहेको प्रहरी चौकीका प्रमुख ताहिर रेहान र उनी मातहतका अरु तीन जवानलाई निलम्बन गरिएको डनले जनाएको छ ।
