राशिफलः तपाईंको आजको दिन कस्तो रहनेछ ?
ज्योतिष पण्डित सूर्यनाथ लुइटेल
मेष : आज शत्रु परास्त हुने दिन छ । कतै रमाइलो यात्रा तय हुनेछ । पुराना साथीभाइसँगको भेटले नयाँ योजनाहरु बन्नेछन्। शुभ खबर सुन्नाले मन प्रशन्न हुनेछ । प्रेम सम्बन्ध सुमधुर बन्नेछ।
वृष : दिन राम्रो छ। व्यापारमा फाइदा हुनेछ। परिवारसँगको सहकार्य सहज बन्नेछ भने शिक्षाको क्षेत्रमा गरेको लगानीबाट फाइदा हुनेछ। सोचेका काम बन्नेछन्।
मिथुन : आफ्नै बोलीले समस्या हुने भएकाले बोल्दा सचेत बन्नुपर्नेछ। लगानीका क्षेत्रमा फाइदा हुनेछ। सम्पत्तिका पछाडि लाग्दा इज्जतमाथि प्रश्न उठ्ने जोखिम छ।
कर्कट : आज कम बोल्नु उचित हुनेछ । सहकार्यमा गरेको लगानीबाट नाफा हुनेछ। शिक्षा क्षेत्रमा थप मिहिनेत गर्न सके प्रगति हुनेछ। संकटमा आफन्तको साथ मिल्नेछ।
सिंह : शत्रु बढ्ने भएकाले काम गर्दा सचेत बन्नुपर्ने छ। लगानीका क्षेत्रमा फाइदा हुनेछ। सम्पत्तिको सदुपयोग गर्नुपर्ने छ। अध्ययनमा जोस र जाँगर बढ्नेछ।
कन्या : मन प्रशन्न हुने दिन छ। राजनीतिक बाहेक सबै क्षेत्रमा सुधार हुनेछ। धार्मिक क्षेत्रमा सहभागी हुने अवसर मिल्नेछ। राजनीतिक क्षेत्रमा ठग सक्रिय भएकाले सचेत बन्नुपर्नेछ। प्रेम सम्बन्ध सुमधुर बन्नेछ।
तुला : शिक्षामा गरेको श्रमको उचित मूल्यांकन हुनेछ। विपक्षी भनेका साथीले तपाईंको प्रशंसा गर्नेछन्। परिवारको सल्लाह लिएर अगाडि बढेमा दीर्घकालसम्मको योजना सफल बन्नेछ।
वृश्चिक : आज जोगिएर काम गर्नुपर्ने देखिन्छ । राजनीतिक क्षेत्रमा साथीभाइले घेराबन्दी गर्ने जोखिम छ। बौद्धिक व्यक्तिसँग सल्लाह लिएर अगाडि बढ्नुपर्ने समय छ। आमदानीका दृष्टिले विदेशबाट फाइदा हुनेछ।
धनु : दिन राम्रो छ। आज शुभ समाचार प्राप्त हुनेछ । बौद्धिक व्यक्तिसँगको परामर्शले मन शान्त बन्नेछ। शिक्षामा गहिरो अध्ययन देखेर साथीभाइले तपाईंको प्रशंसा गर्नेछन्। धार्मिक कार्यमा सहभागी भएर दिनको सुरुवात गर्नु राम्रो हुनेछ।
मकर : रोगबाट मुक्त हुने दिन छ। यथार्थ भन्दा धेरै नबोल्नु राम्रो हुनेछ। शिक्षा क्षेत्रमा लगानी गरेको भए नाफा हुनेछ। परिवारको साथ र सहयोग प्राप्त हुनेछ।
कुम्भ : संकटको सामना गर्नुपर्ने दिन छ। मन अशान्त बन्नेछ। नराम्रो कुरा बढी आउँदा मनमा छटपटी हुनेछ। संकटमा परिवारको साथ मिल्नेछ। विपक्षी साथीबाट जोगिएर काम गर्नुपर्नेछ। गोप्यता कायम गर्नुपर्ने दिन छ ।
मीन : आज आम्दानी बढ्नेछ । पुराना अड्किएका कामहरु बन्नेछन् । सोचेका काम पूरा हुँदा मन प्रशन्न हुनेछ । परिवारसँग रमाइलो समय बित्नेछ ।
