भोजपुर । भोजपुरमा नेपाली सेना चढेको बस दुर्घटना भएको छ ।
टेम्केमैयुङ गाउँपालिकामा निर्वाचन सुरक्षार्थ बेस क्याम्प स्थापना गर्न हिँडेको श्रीनाथ गणको टोली सवार ना.४ ख ७३१७ नम्बरको बस भोजपुर नगरपालिका-३ स्थित सेतीबगरमा दुर्घटना भएको हो ।
बसमा सवार २६ जनामध्ये दुई जना सकुशल रहेका जिल्ला प्रहरी कार्यालयका प्रमुख डीएसपी राजु लामाले जानकारी दिए । अन्य २४ जना भने घाइते भएका छन् । जसमा ९ जना गम्भीर घाइते रहेका लामाले जनाए ।
घाईतेहरुको भोजपुर अस्पतालमा उपचार भइरहेको छ ।
