सशस्त्र प्रहरी बलका उपरीक्षक (एसपी) राजेश घिमिरेको निधन भएको छ।
नेपाल–भारत सीमा सुरक्षा बैठक चलिरहेका बेला बेहोस भएर ढलेका घिमिरेको गएराति निधन भएको हो।
मोरङको विराटचोकमा शुक्रबार दिउँसो सशस्त्र प्रहरी बल र भारतीय सीमा सुरक्षा बल (एसएसबी)का अधिकारी सम्मिलित समकक्ष समन्वय बैठक चलिरहेको थियो । बैठक चलिरहेका बेला उनी बेहोस भएर ढलेका थिए।
सशस्त्र प्रहरी बल नम्बर १ बराह बाहिनी सुनसरी पकलीका डीआईजी कुमार न्यौपानेले घिमिरेलाई हृदयघात भएको बताए।
बैठक स्थलमा नै ढलेका एसपी घिमिरेलाई तत्काल उपचारको लागि विराट टिचिङ अस्पताल लगिएको थियो। उपचारका क्रममा गए राति घिमिरेको निधन भएको हो। एसपी घिमिरेको शव पोस्टमार्टमका लागि विराट टिचिङकै शव गृहमा राखिएको छ।
