काठमाडौं — अमेरिकी दूतावास नेपालद्वारा आयोजना गरिएको Creator’s मेला 2026 आजदेखि काठमाडौंमा औपचारिक रूपमा सुरु भएको छ। दुईदिने यो मेला जनवरी 30 र 31, 2026 सम्म Aloft Hotel, काठमाडौं मा सञ्चालन हुनेछ।
मेलाको उद्घाटन अवसरमा नेपालका लागि अमेरिकी दूतावासका नवनियुक्त Chargé d’Affaires स्कट अर्बोम, अमेरिकी दूतावास नेपाल टोली तथा विभिन्न क्षेत्रका लोकप्रिय कन्टेन्ट क्रिएटरहरूको सहभागिता रहेको छ। डिजिटल सिर्जनशीलता, उद्यमशीलता र नवप्रवर्तनलाई प्रवर्द्धन गर्ने उद्देश्यसहित आयोजना गरिएको यस मेलाले युवाहरूलाई सिक्ने, प्रस्तुति दिने, नेटवर्क विस्तार गर्ने र करिअर विकास गर्ने अवसर प्रदान गर्ने अपेक्षा गरिएको छ।
बिहान 9:00 बजेदेखि साँझ 6:00 बजेसम्म सञ्चालन हुने यस कार्यक्रममा सहभागिता निःशुल्क भए पनि पूर्व–दर्ता अनिवार्य गरिएको छ। आयोजकका अनुसार सहभागीहरूले प्रवेशका लागि आफ्नो दर्ता पुष्टि इमेल (confirmation email) अनिवार्य रूपमा साथमा ल्याउनुपर्नेछ।
अमेरिकी दूतावास नेपालले Creator’s मेलालाई ‘Vision to Venture’ को अवधारणामार्फत सिर्जनात्मक सोचलाई व्यावसायिक यात्रामा रूपान्तरण गर्ने प्लेटफर्मका रूपमा प्रस्तुत गरेको जनाएको छ।
मेलामा सहभागी हुन चाहनेले सामाजिक सञ्जालमा उपलब्ध लिंकमार्फत दर्ता गर्न सक्ने व्यवस्था गरिएको छ।
