आज २०८२ साल पुस २५ गते शुक्रबारको राशिफल
– ज्योतिष पण्डित सूर्यनाथ लुइटेल
मेषः अचानक खर्च बढ्नेछ । स्वास्थ्यमा गढबढी हुनेछ । शिक्षामा गरेको प्रयास सफल बन्नेछ । विदेशको रमझमले मन आकर्षित हुनेछ । मेहनत गरेमा हरेक क्षेत्रमा सफलता मिल्ने देखिन्छ ।
वृषः कृषिमा गरेको लगानीबाट फाइदा हुनेछ । प्रष्ट वक्ता बन्न सकेमा तपाईंको प्रगति हुनेछ । शिक्षामा गरेको लगानीबाट राम्रो आम्दानी हुनेछ । राज्यको तर्फबाट सेवाको अवसर मिल्नेछ ।
मिथुनः आम्दानी बढ्नेछ । बोलीमा सरस्वतीले बास गरेकाले बोलेको कुरा कार्यान्वयन हुनेछ । थोरै बोलेर अगाडि बढ्नु राम्रो हुन्छ । कतै भइरहेको शुभकार्यमा सरिक भइनेछ ।
कर्कटः दिन सामान्य छ । साथीभाइले गरेको आलोचना सुन्नुपर्ने हुनसक्छ । शनिदेव अनुकल भए तपाईंले गरेको काम सफल बन्नेछ । संकटमा परिवारको साथ र सहयोग मिल्नेछ ।
सिंहः दिन राम्रो छ । थोरै लगानी गरे पनि राम्रो आम्दानी हुने दिन छ । बौद्धिक व्यक्तिसँगको भेटले मन शान्त बन्नेछ । परिवारमा गोपनीयता भंग नगर्नु राम्रो हुनेछ । थोरै बोलेर अगाडि बढेमा दिन सहज बन्नेछ ।
कन्याः कृषि र पशुपन्छीको क्षेत्रमा लगानी गरेको भए फाइदा हुनेछ । दाजुभाइसँगको सहकार्यबाट लाभ मिल्नेछ । रोगको उपचारकोक्रममा भए स्वास्थ्यमा सुधार हुनेछ । संकटमा परिवारको साथ मिल्नेछ । प्रेम सम्बन्ध सुमधुर बन्ने योग छ ।
तुलाः अरुको विश्वास गर्दा घाटा हुनसक्छ । विवेक प्रयोग गर्नु राम्रो हुनेछ । घरका मानिसले भन्दा बाहिरका व्यक्तिले सहयोग गर्नेछन् । शिक्षा र स्वास्थ्यमा गरेको लगानीबाट फाइदा हुनेछ ।
वृश्चिकः आज आम्दानी हुनेछ । साथीभाइसँगको भेटले मन प्रशन्न हुनेछ । स्वास्थ्यमा सुधार र पठनपाठनमा मन जानेछ । परिवारसँगको सम्बन्ध सुमधुर बन्नेछ ।
धनुः दिन राम्रो छ । बोलेको कुरा कार्यान्वयन हुनेछ । स्वास्थ्यमा सुधार हुने योग छ । तपाईंले सुरुवात गरेका हरेक काम बन्नेछन् । स्वदेशमा विभिन्न विकल्प देखेर मनमा खुशीयाली छाउनेछ । परिवारसँग बसेर रमाइलो गर्ने अवसर मिल्नेछ ।
मकरः शास्त्रको अध्ययन गरेमा सफलता मिल्नेछ । मनलाई शान्त पार्न बिहान उठेर शिवको भजन सुनेमा फाइदा हुनेछ । स्वास्थ्यमा सुधार हुनेछ । प्रेम सम्बन्ध सुमधुर बन्ने योग रहेको छ ।
कुम्भः मन अशान्त हुनेछ । गुरुको साथ लिएर संकटलाई टार्न सकिनेछ । रोगले सताउने जोखिम छ । धार्मिक व्यक्तिसँगको सल्लाहमा अगाडि बढ्नु राम्रो हुनेछ ।
मीनः दिन राम्रो छ । शिक्षामा गरेको प्रयास सफल हुनेछ । परिवारको साथ मिल्नेछ । बोली र व्यवहारमा एकरुपता देखाएमा दिन सहज बन्नेछ । मन मिल्ने मान्छेसँग बसेर रमाइलो गर्ने अवसर मिल्नेछ ।
