काठमाडौं – ला लिगा अन्तर्गत गएराति भएको खेलमा रायो भालेकानोमाथि एल्चेले प्रभावशाली जित निकालेको छ। एल्चेले भालेकानोविरुद्ध ४-० को जित निकालेको हो। खेलको सुरुवातदेखि नै दबाब बढाएको एल्चेले अन्तिम समयसम्म दबाबमा राखेको हो।
खेल सुरु भएको ६ मिनेटमा हेक्टर फोर्टले पहिलो गोल गरे। पहिलो हाफ १-० को अग्रतामा सकिएको खेलको दोस्रो हाफमा थप तीन गोल भएको हो।
दोस्रो हाफको ६७ औं मिनेटमा अल्भारोज रोड्रिगोजले गोल गर्दै अग्रता दोब्बर बनाए भने ७० औं मिनेटमा जर्मान भलेराले थप एक गोल गरे।
अन्तिम गोल अतिरिक्त मसयमा मार्टिन नेटोले गर्दै खेलमा ४-० को जित निश्चित गरेका हुन्।
