आज २०८२ साल भदौ ६ गते शुक्रबारको राशिफल
मेषः दिन सामान्य छ। ठुलो कारोबार नगर्नु उचित हुनेछ। साथीले धोका दिने जोखिम छ। शिक्षा र स्वास्थ्यमा थप मिहिनेत गर्नुपर्ने दिन छ। राजनीतिक र सामाजिक क्षेत्रमा सेवाको अवसर प्राप्त हुनेछ।
वृषः दिन राम्रो छ। साथीको साथ मिल्नेछ। उपचारमा भए स्वास्थ्यमा सुधार हुनेछ। परिवारको साथमा नयाँ यात्राको तय हुनेछ। प्रेम सम्बन्ध सुमधुर बन्नेछ। विदेशको धनले मन आकर्षित गर्नेछ।
मिथुनः दिन राम्रो छ। सम्पत्तिको सदुपयोग गर्नुपर्ने दिन छ। स्वास्थ्य र शिक्षामा गरेको लगानीबाट आम्दानी बढ्नेछ। धार्मिक क्षेत्रमा मन मन नजाने जोखिम छ। परिवारसँगको सम्बन्ध सुमधुर बन्नेछ।
कर्कटः दिन राम्रो छ। सोचेर बोल्नुपर्ने दिन छ। ठुला व्यक्तिको सुझाव अनुसार काम गर्नु उचित हुन्छ। पश्चिमको यात्रा नगर्नु राम्रो हुन्छ। परिवारसँगको सम्बन्ध सुमधुर बन्नेछ।
सिंहः दिन राम्रो छ। डुब्न लागेको धन उठ्ने छ। हरेक क्षेत्रमा हुने अवरोधबाट मुक्त हुन धार्मिक कार्यमा सहभागी भएर दिनको सुरुवात गर्नुपर्नेछ। परिवारको साथमा महत्त्वपूर्ण काम बन्नेछ।
कन्याः दिन राम्रो छ। परिवारको साथमा रमाइलो गर्ने अवसर मिल्नेछ। दाम्पत्य जीवन सुखमय बन्नेछ। शिक्षा र स्वास्थ्यमा गरेको मिहिनेतको फल प्राप्त हुनेछ। परोपकारमा लगानी गर्नु राम्रो हुनेछ।
तुलाः दिन राम्रो छ। शिक्षामा प्रगति हुनेछ। स्वास्थ्यमा सुधार हुने योग छ। परिवारको निर्णय तपाईंको पक्षमा हुनेछ। राजनीतिक क्षेत्रमा तपाईंको प्रशंसा हुनेछ।
वृश्चिकः दिन सामान्य छ। आफन्त भनेर विश्वास गरेका साथीले धोका दिनेछन्। अरुको ख्याल गर्दा आफ्नो स्वास्थ्यमा समस्या हुनसक्छ। राज्यको अंगमा गरेको सेवाबाट नाफा हुनेछ। परिवारमा गोप्य कुरा नसुनाउनु राम्रो हुन्छ।
धनुः दिन राम्रो छ। शिक्षा र स्वास्थ्यमा गरेको लगानीबाट फाइदा हुनेछ। सामाजिक क्षेत्रमा सम्मान मिल्नेछ। वैदेशिक क्षेत्रको लगानी डुब्ने जोखिम छ। संकटमा परिवारको साथ र सहयोग मिल्नेछ।
मकरः दिन सामान्य छ। सञ्चित धन खर्च हुनेछ। आफ्नै बोलीका कारण साथीभाइ टाढा हुनेछन्। परिवारको सल्लाह लिएर मात्र काम गर्नु उचित हुन्छ। शिक्षाको क्षेत्रमा थप मिहिनेत गर्नुपर्ने देखिन्छ।
कुम्भः दिन सामान्य छ। सानासाना कुरामा विवाद बढ्नेछ। थोरै बोल्नु उचित हुन्छ। संकटमा गुरुको साथले महत्त्वपूर्ण काम बन्नेछ। धार्मिक यात्रा हुने योग छ। आज राजनीति नगर्नु उचित हुन्छ।
मीनः दिन सामान्य छ। आफ्नै बोलीका कारण आफन्त टाढिने छन्। शिक्षामा लाभ भए पनि राजनीतिक क्षेत्रमा घेराबन्दी हुनेछ। धार्मिक कार्यमा सहभागी भएर दिनको सुरुवात गरेमा दैनिक सहजै बन्नेछ।
– ज्योतिष पण्डित सूर्यनाथ लुइटेल
