काठमाडौँ – म्याच फिक्सङमा संलग्न रहेको आरोपमा प्रहरीले २ जनालाई पक्राउ गरेको छ । नेपाल टी–२० लिगमा स्पट फिक्सङमा संलग्न रहेको आरोपमा मेहबुब आलम र आदिल अन्सारीलाई पक्राउ गरेको हो ।
मेहबुब आलम पूर्व राष्ट्रिय क्रिकेटर हुन भने अन्सारी राष्ट्रिय क्रिकेट टोलीका सदस्य हुन् । आलम नेपाल राष्ट्रिय क्रिकेट टोलीका पूर्वअलराउण्डर हुन् ।
उनले एकैखेलमा १० विकेट लिएको कीर्तिमानी बताएका छन् भने पक्राउ परेका अन्सारीले गत जेठमा मात्रै अमेरिकाविरुद्धको खेलबाट राष्ट्रिय टिममा डेब्यू गरेका थिए ।
उनीहरुले नेपाल क्रिकेट संघ (क्यान) को रणनीति साझेदार सेभेन थ्री स्पोर्टस्का मालिक जतिन अहुवालियाको योजना अनुसार स्पट फिक्सिङमा सहयोग गरेको प्रहरी प्रधान कार्यालयका एक उच्च अधिकारीले जानकारी दिए ।
