काठमाडौं । नेपाली राष्ट्रिय क्रिकेट टिमका पूर्वकप्तान सन्दीप लामिछानेमाथि क्यानले लगाएको निलम्बन फुकुवा भएको छ ।
पोखरामा मंगलबार बसेको नेपाल क्रिकेट संघको केन्द्रीय कार्यसमिति बैठकले निलम्बन फुकुवाको निर्णय गरेको हो ।
नावालिग बलात्कार आरोपमा पक्राउ परेपछि क्यानले लामिछानेलाई निलम्बन गरेको थियो । उच्च अदालत पाटलले लामिछानेलाई धरौटीमा छाड्ने आदेश गरेपछि क्यानले निलम्बन फुकुवा गर्ने निर्णय गरेको हो ।
निलम्बन फुकुवासँगै लामिछाने पुनः नेपाली क्रिकेट टिममा फर्कने सम्भावना बढेको छ । उच्च् अदालत पाटनले सन्दीपलाई विदेश जान रोक लगाएकाले विदेशमा हुने खेलमा सहभागी नभएपनि नेपालमै हुने खेलमा भने लामिछाने सहभागी हुन पाउने बाटो खुलेको छ ।
यद्यपी लामिछानेलाई धरौटीमा छाड्ने उच्च अदालतको आदेशविरुद्ध महान्यायाधीवक्ताको कार्यालयले भने मंगलबार सर्वोच्चमा निवेदन दर्ता गरेको छ ।
