आज २०८२ साल जेठ २० गते मंगलबारको राशिफल
– ज्योतिष पण्डित सूर्यनाथ लुइटेल
मेषः दिन राम्रो छ। शिक्षामा लगानी गरेको भए फाइदा हुनेछ। व्यापारमा नाफा आर्जन गर्ने योग छ। लगानी गर्दा सहकार्य गर्नु उचित हुनेछ। प्रेम सम्बन्ध सुमधुर बन्ला।
वृषः राजनीतिक क्षेत्रमा उपलब्धि हात लाग्नेछ। राज्यका तर्फबाट महत्त्वपूर्ण जिम्मेवारी प्राप्त हुने योग छ। हरेक काममा सचेत भएर मिहिनेत गर्नु उचित हुनेछ। परिवारसँगको सम्बन्ध सुमधुर बन्नेछ।
मिथुनः मनमा शान्ति मिल्नेछ। परिवारको सहयोगमा महत्त्वपूर्ण काम बन्ने देखिन्छ। व्यापारको क्षेत्रमा सहकार्य गरेर अगाडि बढ्नुपर्ने छ। श्रमको मूल्य प्राप्त हुने योग छ।
कर्कटः गुम्न लागेको धन प्राप्त हुनेछ। योजना अनुसार अगाडि बढेमा सोचेको राम्रो काम बन्नेछ। साथीसँग मिलेर गरेको व्यापारबाट आम्दानी बढ्नेछ। परिवारसँगको सम्बन्ध सुमधुर बन्नेछ।
सिंहः थोरै बोलेर अगाडि बढ्नुपर्ने समय आएको छ। कम बोल्ने र धेरै मिहिनेत गर्नुपर्ने बानीको विकास गर्नु उचित हुन्छ। मिहिनेत अनुसार नै सोचेको काम बन्नेछ। आम्दानीका लागि ठुलो मिहिनेत गर्नुपर्ने दिन छ।
कन्याः परिवारमा तनाव बढ्ने दिन छ। खर्च गर्दा विशेष ख्याल गर्नुपर्नेछ। मन अशान्त हुने जोखिम छ। मिहिनेत गरेमा व्यापारमा फाइदा हुनेछ। प्रेम सम्बन्धमा मनमुटाव हुने दिन छ।
तुलाः दिन राम्रो छ। सम्पत्ति बढ्ने योग छ। ठुलो मिहिनेतपछि आम्दानीका स्रोत पत्ता लाग्नेछ। शिक्षाको क्षेत्रमा अझ श्रम गर्नुपर्ने योग छ। परिवारसँगको सम्बन्ध सुमधुर बन्नेछ।
वृश्चिकः दिन धेरै नै राम्रो छ। राज्यको महत्त्वपूर्ण जिम्मेवारी प्राप्त हुनेछ। परीक्षा लेखेको भए राम्रो नतिजा प्राप्त हुनेछ। संकटमा साथीभाइले साथ दिनेछन्। प्रेम सम्बन्ध सुमधुर बन्नेछ।
धनुः दिन राम्र्रो भए पनि रोगले सताउने छ। ठुलो कामको सुरुवात नगर्नु उचित हुन्छ। मिल्ने साथीले धोका दिने भएकाले व्यवहार गर्दा सचेत बन्नुपर्नेछ। परिवारको साथ र सहयोगले मनमा उत्साह बढ्नेछ।
मकरः दिन राम्रो छ। धन सञ्चित गर्ने समय छ। साथीसँगको सहकार्यमा गरेको काम सफल बन्नेछ। व्यापारमा फाइदा हुने योग छ। प्रेम सम्बन्ध सुमधुर बन्नेछ।
कुम्भः लामो समयदेखि देखिएको मानसिक तनाव कम हुनेछ। परिवारको साथ लिएर अगाडि बढ्दा हरेक क्षेत्रमा सफलता मिल्नेछ। परीक्षा लेखेको भए नतिजा राम्रो प्राप्त हुने योग छ।
मीनः पारिवारिक बोझले सताउने जोखिम छ। धार्मिक कार्यमा सहभागी भएर दिनको सुरुवात गर्नु उचित होला। आफन्तले सहयोग भन्दा असहयोग बढी गर्नेछन्। शिक्षामा मिहिनेत गर्नुपर्ने देखिन्छ।
