काठमाडौं । हिन्दु धर्ममा हप्ताको हरेक दिन कुनै न कुनै देवता वा देवीलाई समर्पित गरिन्छ । दिनको हिसाबले देवी-देवताको पूजा गर्नु कत्तिको फलदायी हुन्छ । त्यसैअनुसार शुक्रबार लक्ष्मीमाताको पुजा गरिन्छ । साथै यस दिनमा लक्ष्मी माताका अवतार अन्नपूर्णेश्वरी माता र दुर्गा भवानीको पनि पूजा गरिन्छ ।
शुक्रबार माता लक्ष्मीको व्रत बसी विधिवत रुपमा पूजा आराधना गर्ने मान्यता रहेको छ । यस दिन व्रत लिने व्यक्तिले फलाहारका रुपमा चना र सख्खर प्रयोग गरेमा उत्तम हुनेछ भने अमिलो खानु ठूलो त्रुटी हुन्छ ।
लक्ष्मी मातालाई प्रसन्न पार्न विशेष पूजा र मन्त्रको जप गर्नुपर्छ। यस दिन पूजा गर्नाले धनको अभाव कम हुन्छ । देवी माता प्रसन्न हुन्छिन् । बुद्धि र विवेक पनि बढ्छ।
लक्ष्मी माताको पूजा गर्ने विधि
सबैभन्दा पहिले बिहान नुहाएर सफा कपडा लगाएर लक्ष्मीको अगाडि बसेर श्री सुक्तको पाठ गर्नुहोस्। त्यसपछि उनको चरणमा कमलको फूल चढाउनुहोस् । यससँगै शंख, कोडी, कमलको फूल, मखना, बताशा, खीर र गुलाबको फूलले देवी लक्ष्मी प्रसन्न हुने जनविश्वास छ ।
शुक्रबारको दिन लक्ष्मीको पूजा गर्नका लागि उत्तम मानिन्छ । यदि तपाईं आफ्नो घरमा सुख, शान्ति र समृद्धि चाहनुहुन्छ भने, हप्ताको एक दिन लक्ष्मीको पूजामा समर्पित गर्नुहोस् । ९ बजेदेखि १० बजेसम्म लक्ष्मीको पूजा गर्नुपर्छ । शुक्रबार राति। पूजा गर्दा ८ वटा घिउको दियो बाल्नु पर्छ । पूजाको समयमा मातालाई रातो हिबिस्कस फूलको माला चढाउनुपर्छ ।
अष्टलक्ष्मीको बीज मन्त्र ॐ ह्रीं श्री अष्टलक्ष्मीय्य ह्रीं सिद्धये मम गृहे आगच्छगच्छ नमः स्वाहा हो । मालाको जप गर्नुहोस्। त्यसपछि घरको आठ दिशामा आठ दीपहरू राख्नुहोस्। यसबाट हरेक समस्या समाधान हुने विश्वास गरिन्छ ।
शुक्रबार के-के काम गर्दा सफलता मिल्छ ?
ज्योतिषशास्त्र भनेको सौर्यमण्डलमा रहेका तारा र ग्रहको आपसी सम्बन्धबाट प्राप्त हुने किरण अथवा तरंगलाई सूक्ष्म गणितीय सूत्रबाट अध्ययन गरेर त्यसको यस पृथ्वीमा विद्यमान जड र चेतनमाथि पर्ने प्रभावको अध्ययन र विश्लेषण गर्ने अद्वितीय विज्ञान हो ।
ज्योतिषशास्त्र वेदको आँखाका रूपमा रहेको कुरा सर्वविदितै छ । के तपाईं कुनै काम गर्दै हुनुहुन्छ वा गर्ने सोचाइमा हुनुहुन्छ रु यदि हुनुहुन्छ भने दिन, बार, नक्षत्र र राशि सबै मिलाएर काम गर्दा तपाईंलाई सफलता मिल्छ । त्यसैले मानिहरूले कुनै पनि शुभकार्य गर्दा दिन हेराएर मात्रै गर्ने गरेको पाइन्छ । हिन्दुधर्म शास्त्रअनुसार तपाईंको खानपान, हिँडडुल, कामको सुरुवातलगायत विषयहरूमा तपाईंले बार र समयलाई ख्याल गरेर यी काम गर्दा फाइदा पुग्छ ।
कुनै पनि शुभ कार्य गर्नुपर्दा सबैभन्दा पहिले गणेशको पूजा गर्नुपर्ने हुन्छ । ज्योतिषशास्त्रअनुसार शुक्रबार के९के काम गर्दा सफलता मिल्छ भन्ने बारेमा तल प्रस्तुत गरिएको छ ।
यस्तै शुक्रबार महाकालीको पूजाबाट मिल्छ तुरुन्त लाभ । कालीको साधना र उपसनालाई निकै प्रभावशाली मानिन्छ । माता कालीको पूजा आरधनाबाट तुरुन्तै परिणाम दिने विश्वास गरिन्छ । उनीप्रति विश्वास र श्रद्धा गर्नेको जीवन निकै सुखमय हुने विश्वास गरिन्छ । शुक्रबार देवीको विभिन्न रुपका पूजा आराधाना गर्ने गरिन्छ ।
माता कालीको साधना संन्यासी र तान्त्रिकहरू पनि गर्ने गर्छन् । माता कालीका भक्तहरु मान्ने गर्छन् कि माता कालीले कालको संहार गर्ने र मोक्ष प्रदान गर्ने गर्छिन् ।
