आज २०८१ साल चैत २३ गते शनिबारको राशिफल
– ज्योतिष पण्डित सूर्यनाथ लुइटेल
मेषः दिन सामान्य राम्रो छ। सहकार्यमा गरेको व्यापारबाट घाटा हुने जोखिम छ। उपचारमा भए स्वास्थ्यमा सुधार हुनेछ। वैदेशिक क्षेत्रमा मन आकर्षित भएको छ। विदेशमा गरेको लगानीबाट फाइदा हुनेछ।
वृषः दिन राम्रो छ। धनलक्ष्मी योग परेको छ। सम्पत्तिको सदुपयोग गर्नुपर्नेछ। शिक्षामा जोस र जाँगर बढ्नेछ। लगानी गरेको भए फाइदा हुनेछ। बोल्दा तीन पटक सोचेर बोल्नुपर्नेछ।
मिथुनः दिन राम्रो छ। तपाईंको राशिमा चन्द्रमा पुगेकाले मनमा उत्साह बढ्नेछ। शिक्षाको क्षेत्रमा प्रगति हुनेछ। गुरुसँग छोटो दूरीको यात्रा तय हुनेछ। परिवारमा भने खटपटी बढ्ने जोखिम छ।
कर्कटः दिन सामान्य छ। तपाईंको श्रमको मूल्य अरुले लिने जोखिम छ। राजनीतिक क्षेत्रमा विपक्षीसँग विवाद बढ्नेछ। धार्मिक कार्यमा सहभागी भएर दिनको सुरुवात गरेमा मन शान्त बन्नेछ।
सिंहः आम्दानीका स्रोत सहज बनेका छन्। परिवारबाट सल्लाह लिएर अगाडि बढ्नुपर्ने समय छ। राजनीतिमा भन्दा सामाजिक क्षेत्रमा सेवाको अवसर मिल्नेछ। घर भित्र भन्दा बाहिरबाट तपाईंको प्रशंसा हुनेछ।
कन्याः दिन राम्रो छ। परिवारको साथमा बसेर रमाइलो गर्ने अवसर मिल्नेछ। स्वास्थ्यले साथ दिँदा मन खुशी बन्नेछ। शिक्षाको क्षेत्रमा गरेको लगानीबाट फाइदा हुनेछ। प्रेम सम्बन्ध सुमधुर बन्नेछ।
तुलाः शिक्षाको क्षेत्रमा प्रगति हुनेछ। मनमा नयाँनयाँ विचारको उदय हुनेछ। प्रतिभाको प्रदर्शन गर्नुपर्ने समय छ। विपक्षी शान्त भएकाले काम गर्न सहज वातावरण बन्नेछ। परिवारसँगको सम्बन्ध सुमधुर बन्नेछ।
वृश्चिकः दिन सामान्य छ। बिहान उठेर पिपलको दर्शन गर्नुहोला। पश्चिमको लामो दूरीको यात्रा नगर्नु उचित हुनेछ। बौद्धिक व्यक्तिसँगको भेटले मनमा शान्ति मिल्नेछ। दान दक्षिणा गरेर दिनको सुरुवात गर्नु राम्रो हुनेछ।
धनुः दिन सहज छ। तपाईंको काममा हस्तक्षेप हुनेछ। अप्ठेरो परिस्थितिमा साथीले साथ दिनेछन्। कृषि क्षेत्रमा लगानी गरेको भए फाइदा हुनेछ। परिवारसँगको सम्बन्ध सुमधुर बन्नेछ।
मकरः दिन जोखिमपूर्ण भएकाले ठुलो योजना नबनाउनु उचित हुनेछ। राजनीतिक क्षेत्रका साथीले तपाईंलाई धोका दिने जोखिम छ। स्वास्थ्यमा सुधारका संकेत देखिने छन्। अप्ठेरो परिस्थिति भएकाले साथीसँग बचेर काम गर्नुपर्नेछ।
कुम्भः आज मन अशान्त बनाएर अगाडि बढ्नुपर्ने दिन छ। सानो कुराले ठुलो तनाव हुने जोखिम छ। बौद्धिक व्यक्तिलाई समय दिएमा मन शान्त बन्नेछ। प्राविधिक शिक्षामा लगानी गरेमा फाइदा हुनेछ। परिवारको सल्लाहमा अगाडि बढ्न सके दिन सहज बन्नेछ।
मीनः आज तपाईंको मन अशान्त बन्नसक्छ। संकटमा संयमता अपनाउनुपर्नेछ। अनुत्पादक क्षेत्रको खर्च कटौती गर्नुपर्ने दिन छ। ठुला व्यक्तिको सम्मान गर्न सके महत्त्वपूर्ण काम बन्नेछ। परिवारसँगको सम्बन्ध सहज बन्ने योग छ।
