सशस्त्रका ३ जना एसएसपी डीआईजीमा बढुवा सिफारिस

सशस्त्र प्रहरी बलका ३ जना वरिष्ठ उपरीक्षक (एसएसपी) हरूलाई नायव महानिरीक्षक (डीआईजी)मा बढुवा गर्न सिफारिस गरिएको छ । बिहीबार बसेको बढुवा समितिको बैठकले बढुवा सिफारिस गरेको हो ।

डीआईजी बढुवाको पहिलो नम्बरमा कृष्ण ढकाल छन् । उनी सशस्त्र प्रहरी स्थापनापछि इन्स्पेक्टरमा भर्ना भएका पहिलो अर्थात् सिसम–१ का अधिकृत हुन् । सिसम–२ का दीपेन्द्र कुँवर र विष्णुप्रसाद भट्ट डीआईजीमा सिफारिस भएका छन् ।