सुत्ने बेलामा आफूबाट टाढा राख्नुपर्ने कुराहरु

वास्तु र ज्योतिष विज्ञानले जीवनको हरेक क्षणको सूक्ष्म रुपमा अवलोकन गर्ने गर्छ । दर्शनमा बिहानको समय र रात्रि समयमा अलग अलग नियम बनाएका छन् । त्यसै अनुसार राति सुत्ने समयमा सिरानीमा केही चीजहरु राख्दा वास्तुदोष हुने खतरा बताएका छन् । जसले गर्दा जीवमा नकारात्मक प्रभाव पर्ने खतरा हुन्छ ।
– वास्तुका अनुसार राति सुत्नेबेला सिरानीमा जुत्ता, चप्पलजस्ता चीजहरू राख्नाले मानिसको जीवन असफल बनाउनुका साथै नकारात्मक प्रभाव पार्ने गर्छ । यसले मस्तिष्कमा नकारात्मक ऊर्जा प्रवाह गर्ने गर्छ ।
– सुत्ने बेला बेड राम्रोसँग सफा गर्नुपर्छ । बेडमा भएका सामान तथा फोहोर राम्रोसँग हटाउनुपर्छ । यदि बेडमा खानेकुरा पोखिएको छ भने त्यसमा भएको नुन लगायतका अन्य चीजहरु बेडमै हुने हुँदा वास्तुशास्त्र अनुसार त्यस्ता पदार्थहरुको कारण परिवारका सदस्यहरुबीचमा कलह उत्पन्न हुने खतरा बढ्छ ।
– सुत्ने बेड मुनि तेलजन्य पदार्थ कहिले पनि राख्नु हुँदैन । विशेषगरी बेडको सिरानी मुनि तेल राख्दा यसले मानिसको जीवनलाई कठीन बनाइदिने र मेहनत अनुसार फल प्राप्त नहुने हुनसक्छ ।
– फलामको सिक्री र डोरीजस्ता सामानहरू बेडको नजिकै राख्नु हुँदैन । यसले जीवनमा अशुभ निम्त्याउँछ । यसले जीवनमा लगातार बाधा उत्पन्न हुने खतरा बढ्छ ।
– सुत्ने बेड मुनि ओखल राख्नुहुँदैन । यसले पारिवारिक सम्बन्धमा तनाव आउनसक्छ । यसले गर्दा नकारात्मक कार्यमा ध्यान जाने खतरा बढ्छ ।
– ज्योतिष शास्त्रका अनुसार सिरानीको छेउमा कुचो राख्दा यसले नकारात्मक प्रभाव पार्ने जीवनमा दुर्भाग्यको सामना गर्नुपर्ने हुन्छ ।
– सिरानी पर्ने ठाउँमा कपडा सुकाउने गर्नुहुँदैन । यसले सफलतामा बाधा उत्पन्न गराउँछ ।
– बेडको सिरानीमा मोबाइल लगायत अन्य इलेक्ट्रोनिक्स सामानहरु राख्दा स्वास्थ्यमा गम्भीर दुष्परिणाम आउने खतरा बढ्छ ।