काठमाडौं । नेकपा एमालेका ५९ जना नेता कार्यकर्ताले डा. भीम रावल नेतृत्वको ‘मातृभूमि जागरण अभियान’लाई समर्थन गर्ने घोषणा गरेका छन् । उनीहरुले संयुक्त विज्ञप्ति निकालेर रावलको साथ रोजेको जानकारी गराएका हुन् ।
जारी विज्ञप्तिमा एमाले केन्द्रीय पर्यटन विभाग सदस्य रमेशबहादुर कुँवर, नेकपा एमाले सुदूरपश्चिम प्रदेश कमिटी सदस्यहरु चक्र रावल, जंग विक, केशर मियाँ, निर्मला रावललगायतको नाम छ ।
भीम रावलको अभियानमा प्रवेश गर्नेहरुमा चक्र रावल,जंग विक, केशर मियाँ, निर्मला रावल, दुधकला विष्ट रहेका छन् । उनीहरु सबै नेकपा एमाले सुदूरपश्चिम प्रदेश कमिटी सदस्य हुन् । यस्तै, प्रदेश कमिटी आर्थिक विभाग सदस्य दिपक सुनार, हर्क कुँवर सुदूरपश्चिम प्रदेश सल्लाहाकार सदस्य र सुशिला वोगटी र सुरत भुल एमाले सुदूरपश्चिम प्रदेश सल्लाहाकार सदस्य रहेका छन् ।
यस्तै, प्रकाश शाह, नेकपा एमाले सचिवालय सदस्य तथा संगठन विभाग सदस्य, सागर सिंह बाब्ली सचिवालय सदस्य, प्रेम खत्री, सचिवालय सदस्य, मानबहादुर गिरी सचिवालय सदस्य, डबल ठकुल्ला एमाले सचिवालय सदस्य र सुरेन्द्र शाहीले पनि एमाले छाडेर भीम रावलको अभियनमा लागेका छन् ।
यसैगरी, नेकपा एमाले जिल्ला कमिटी सदस्यहरु बलबहादुर कुँवर, रतन बहादुर रावल, टंक रावल, उजिर साउद, झंकर कुँवर, अम्विका खडका, हेमा नागरिक, शंकर भुल, रामप्यारी कुँवर, लाल कामी, रामबहादुर कुँवर, रामबहादुर खडका, ललित ढोली, महारुप जैशी, अम्मर विक, कमल साउद, जगत रावल र हिक्मत खडकाको पनि एमाले छाड्ने सूची नाम रहेको छ ।
यस्तै, सुरेन्द्र भूल, गोविन्द्र भूल, नैनसिंह कुँवर, लालबहादुर रावत, पुरनबहादुर कुवँर (एमाले जिल्ला सल्लाहाकार सदस्य)ले पनि भीम रावललाई साथ दिएका छन् भने नरबहादुर कुँवर एमाले जिल्ला सल्लाहाकार सदस्यले पनि एमाले त्यागेका छन् ।
यस्तै, तारा साउद, नृप विक, भरत अयडी, रमेश बुढामगर, तर्कराज उपाध्याय, लालबहादुर, टंकराज रेग्मी (नेकपा एमाले रिटनीज फ्रेडरेशन जिल्ला अध्यक्ष), रंग ठकुल्ला, पुरन सेठ्ठी, प्रकाश खत्री श्याम रावल, प्रेमराज शर्मा (वडा नं ६ साँफेवगर नपा पुर्ववडा अध्यक्ष) र ढकेन्द्र कुँवर नेकपा (एमाले साफेवगर नगर कमिटी अध्यक्ष)ले पनि भीम रावलको अभियानलाई दिएका छन् ।
यस्तै, ललित नेपाली (एमाले साफेवगर नगर कमिटी उपाध्यक्ष), यदीन मियाँ (नेकपा एमाले साफेवगर नगर कमिटी उपसचिव) सिता कुँवर (साफेवगर नगर कमिटी उपसचिव), विकास कुँवर (साफेवगर नगर युवासंघ अध्यक्ष र भगवती कुँवर (अनेम संघ साफेवगर नगर अध्यक्ष) पनि भीम रावलको अभियानमा लागेका छन् ।
अनुशासन उल्लंघन गरेको भन्दै रावललाई एमालेको २०८१ पुस १० गतेको सचिवालय बैठकले पार्टीबाट निष्कासन गरेको थियो । रावलको पक्षमा खुलेकाहरुले यो निर्णय ‘स्वेच्छाचारी’ र एमाले अध्यक्ष केपी शर्मा ओलीको ‘सत्ता उन्मादी’ भनेर आलोचना गरेका छन् ।
