पोखरा– रोटरी क्लब अफ पोखरा लेकसाइडले लमजुङ जिल्लाको राइनासकोट नगरपालिकाको विकास तथा प्रवद्र्धन गर्न तत्परता देखाएको छ ।
रोटरी क्लब अफ पोखरा लेकसाइड सन् २०१७ मा स्थापना भएको हो । यस क्लबले रोटरी इण्टरनेशनलले गर्ने सात क्षेत्रमा काम गर्दै आएको छ । क्लबले शान्ति स्थापना र द्वन्द्व व्यवस्थापन, रोगको रोग रोकथाम र उपचार, खानेपानी तथा सरसफाई, मातृ तथा बाल स्वास्थ्य, शिक्षा, सामुदायको आर्थिक विकास र पर्यावरण संरक्षणमा काम गर्दै आएको छ ।
क्लबको एक प्रतिमण्डल राइनासकोटमा पुगि त्यहाँ के के सहयोग गर्न सकिन्छ भनेर छलफल गरेको थियो । छलफलको क्रममा राइनासकोटका मेयर खड्कबहादुर गुरुङले राइनास होमस्टेको प्रवद्र्धन तथा निर्माणाधिन मिनि ग्रेटवाललाई सहयोग गर्न आग्रह गरेका थिए ।
छलफलमा क्लबका तर्फबाट अध्यक्ष उपेन्द्र अधिकारी कार्यक्रम संयोजक राजन कुमाल, पूर्व अध्यक्ष होम आले, उपाध्यक्ष टोपबहादुर थापा, सचिव सुवास मल्ल, कोषाध्यक्ष आमोद कोइराला, लोकबहादुर गुरुङ, शिवलाल सुनार लगायतको उपस्थिति रहेको थियो ।
उपेन्द्र अधिकारी पर्यटन क्षेत्र मा आँफै परीचित छन्। उनी १५ वर्षभन्दा बढी समयदेखि पर्यटन क्षेत्रमा योगदान दिँदै आइरहेका छन्। ट्रेकिङ र पिक क्लाइम्बिङमा राम्रो अनुभव भएका उनले आफूलाई सफल पर्यटन उद्यमीका रूपमा स्थापित गरेका छन्। नेपालको प्राकृतिक सौन्दर्य र सांस्कृतिक सम्पदालाई विश्वसामु प्रस्तुत गर्नमा उनको समर्पणले ठूलो योगदान दिलाएको छ।
हाल उपेन्द्र अधिकारीले रोटरी मार्फत पनि नेपालको पर्यटन प्रवर्द्धनमा सक्रिय छन्। उनको प्रयासले दिगो पर्यटन विकास, स्थानीय समुदायका लागि अवसर सिर्जना, र नेपाललाई साहसिक र सांस्कृतिक पर्यटनका लागि उत्कृष्ट गन्तव्यका रूपमा विश्वव्यापी रुपमा चिनाउन योगदान पुराउनु भएको छ। आफ्नो कामप्रतिको गहिरो प्रतिबद्धताका साथ, उपेन्द्रले नेपालका अनुपम स्थलहरूको खोज गर्न र साहसिक भावना जगाउन अरूलाई प्रेरणा दिन जारी राखेका छन्।
राइनासकोट प्राकृतिक तथा ऐतिहासिक महत्व भएको ठाउँ हो । राइनासकोटबाट एकै पटकमा अन्नपूर्ण, माछापुच्छे, धौलागिरी मनास्लु, बौद्ध, गणेश हिमाल लगायत १८ ओटा हिमाल देख्न सकिन्छ । बाइसेचौबिसे राज्यकालमा लमजुङका राजा यशोबह्म शाहका कान्छा छोरा द्रव्य शाहले राज्य सञ्चालन गरेर राइनासकोटमा बसेको इतिहास छ । राइनासकोटलाई भिटोफ नेपालले २०१८ मा गन्तव्य गाउँ घोषणा गरेको थियो । गतवर्ष गण्डकी प्रदेश सरकारले घोषणा गरेको घुम्नुपर्ने ११० उत्कृष्ट गन्तव्यमध्ये राइनासकोट परेको थियो ।
